| | Print | |
"ဗုံးပေါက်ကွဲတဲ့အသံက တော်တော်ကျယ်ပြီး ဗုံးကွဲတဲ့တုန်ခါအားကလည်း ကျွန်တော်တို့နေရာကနေတောင် အရမ်းပြင်းတာ သိသိသာသာ ခံစားရတယ်။ ချက်ချင်းပြေးကြည့်တော့ မီးခိုးတွေလုံးနေတာကြောင့် ဘာမှသိပ်မမြင်ရဘူး။ မန်းမြန်မာပလာဇာ အပေါ်ထပ်တွေက မှန်တွေတော့ အကုန်ကွဲကုန်တယ်" ဟု ၂၇လမ်း ၈၃လမ်း၊၈၄ လမ်းကြားရှိ ဈေးဆိုင်ဖွင့်လှစ်ထားသူတစ်ဦးက ပြောပြပါသည်။ "၈၄ လမ်း ၂၇_၂၈ ကြားက ဗုံးကွဲတဲ့တုန်ခါမှုက လမ်း ၈၀၊၂၆ လမ်းထိတောင် ခံစားရတယ်။ ကျွန်တော်ရောက်သွားတော့ ပေါက်ကွဲတဲ့နားမှာ စက်ဘီးနဲ့ ကုန်ပစ္စည်းပို့တဲ့သူတစ်ယောက် လွင့်စင်ပြီး ဒဏ်ရာရတာ တွေ့ရတယ်။ ထိခိုက်မှုကြီးကြီးမားမားတော့ မတွေ့ရဘူး။ ဥပုသ်နေ့ ဈေးပိတ်တဲ့နေ့မို့ တော်သေးတာ" ဟု လမ်း ၈၀ တွင်နေထိုင်သူတစ်ဦးက ဆိုသည်။ "အခုပေါက်ကွဲသွားတဲ့ ကားမှာတပ်ဆင်ထားတဲ့ နံပါတ် ၃ခ/၁၉၀၄ အက္ခရာကို မန္တလေး၊ အနှိပ်တော်ရပ်ကွက်မှာ တွေ့ရတယ်လို့ ကြားတယ်။ ဒီနေရာမှာ လာပြီးရပ်သွားတဲ့ ကားပိုင်ရှင်ကတော့ ဘယ်ရောက်သွားမှန်း မတွေ့တော့ဘူး။ မနက်ကတည်းက ကားကို လာရပ်သွားတယ်လို့ ပြောကြတာပဲ"ဟုလည်း မြို့ခံတစ်ဦးက ပြောပါသည်။ |
No comments:
Post a Comment