2011-06-14
အစိုးရတပ်တွေနဲ့ KIO ကချင်တပ်ဖွဲ့ တိုက်ပွဲ အတွင်းမှာ မနေ့က
အစိုးရတပ်က ဗျူဟာမှူး ဗိုလ်မှူးကြီး တဦး ထိခိုက် ဒါဏ်ရာ ရရှိတယ်လို့ KIO
ဖက်က ပြောဆိုပါတယ်။ ထိခိုက် ဒါဏ်ရာရသူ မိုးမိတ် ဗျူဟာက ဗျူဟာမှူး
ဗိုလ်မှူးကြီး အောင်တိုးဟာ နယ်ကျွံပြီး KIO တပ်တွေ အတွင်းမှာ ပိတ်မိခဲ့တာ
ဖြစ်တယ်လို့ KIO အရာရှိတွေက ပြောပါတယ်။
www.kachinnews.com
ဗန်းမော်ခရိုင်၊ မိုးမောက်မြို့နယ်၊ ဆန်ဂန်
KIA တပ်ရင်း ၁၅ နယ်မြေအတွင်း ၂ဝ၁၁ ခုနှစ် ဇွန်လ ၁၁ ရက်နေ့က KIO ကချင်
လွတ်မြောက်ရေးအဖွဲ့နှင့် မြန်မာအစိုးရတပ်များ အကြား
တိုက်ပွဲဖြစ်ပွားသည့်နေရာကို ပြသထားသည့် မြေပုံ။ (www.kachinnews.com)
မနေ့က ဗိုလ်မှုးကြီး အောင်တိုး ကျဆုံးသွားတယ်ဆိုတဲ့ သတင်းတွေ ထွက်ပေါ်ခဲ့ပါတယ်။
ဒီသတင်းနဲ့ ပတ်သက်ပြီး KIO အဖွဲ့ ပြောခွင့်ရ ဦးလနန်းက
"ထိခိုက်ဒါဏ်ရာ ရတယ်ဆိုတာတော့ ကြားတယ်။ ကျသွားပြီဆိုတာကတော့ တဆင့်စကားနဲ့
တဆင့် ပြောတာ ဖြစ်ပါလိမ့်မယ်။ သိပ်တော့ မသေချာဘူး ထင်တယ် ထိခိုက်တယ်
ဆိုတာတော့ သေချာတယ်"
တဆက်တည်း KIO ဖက်က ကျဆုံးသူ ၃ဦး ရှိပြီး ၃ ဦး ဒါဏ်ရာရတယ်လို့ ပြောပါတယ်။
အစိုးရဘက်က ကျဆုံးသူနဲ့ ထိခိုက် ဒဏ်ရာရသူများကို အတည်မပြုနိုင်ပေမဲ့
များပြားတယ်လို့ ပြောပါတယ်။
"မိုးမောက်ဖက်က ပြောလာတာရယ် တယ်လီဖုံးက တဆင့် ပြောလာတာတွေကတော့ ဆေးရုံမှာ
အရေးပေါ်မှာ ဒဏ်ရာ ရတဲ့ လူနာတွေက အနဲဆုံး ၈၀ ကနေ ၁၀၀ နီးပါး ရှိနေပြီ လို့
ခန့်မှန်း ပြောနေကြတယ်။ ဆုံးသွားတဲ့ ရဲဘော်တွေ သွားမြုပ်နှံတယ်ဆိုတာလည်း
ကြားနေရတယ်။ ထိခိုက် ဒဏ်ရာရတာ အတော်များတယ်ဆိုတာတော့ သေချာတယ်။"
အစိုးရတပ်ဖက်က ထိခိုက် ဒါဏ်ရာ ရတာတွေနဲ့ ပတ်သက်ပြီး အစိုးရက တရားဝင်
ထုတ်ပြန်တာ မရှိသလို RFA အနေနဲ့ သီးခြား အတည်မပြုနိုင်ပါဘူး။ အစိုးရတပ်ဖက်က
၃၀ လောက် ကျဆုံးပြီး ဒါဏ်ရာရရှိသူ ၁၀၀ လောက်ရှိတယ်လို့
သတင်းတွေ ထွက်ပေါ်နေပါတယ်။
No comments:
Post a Comment