တပ်ထဲက ဗိုလ်ကြီးမမများ

ဆောင်းပါးရှင် နေမင်းသူ  Monday, August 1, 2011 at 9:32am

 

၂၀၁၀ မတ်လထုတ် တိုင်းမှာမဂ္ဂဇင်းမှာပါတဲ့ ရေတပ်စစ်ရေယာဉ်မှူးတစ်ဦးအကြောင်း ဖတ်လိုက်ရတာ အတော် စိတ်ဝင်စားစရာ ကောင်းလှပါတယ်။ အကြောင်းအရာလေးကို ကိုယ်ဥာဏ်မီသလောက်ကြိုးစားဖတ်ကြည့်ရင်း ကျနော်တို့ရေတပ်ထဲကိုရောက်စမှာ ကြုံခဲ့ရတဲ့ဖြစ်ရပ်ကလေး တစ်ခုကို ပြေးသတိရလိုက်မိတယ်။
ခေါင်းစဉ်လေးက“The Sea Bitch” တဲ့။ “ပင်လယ်ကဝေ” လို့မြန်မာမှုပြုရင် ရမလား မသိ။၂၀၀၃ အီရတ်စစ်ပွဲ မတိုင်မီကာလ နေ့တစ်နေ့မှာ နေတိုးမဟာမိတ်စစ်ရေယာဉ်တွေထဲ အမေရိကန်စစ်ရေယာဉ် U.S.S. Wiston S. Churchill ဆိပ်ကမ်းတစ်ခုကနေ ခွာအထွက်မှာ မတော်တဆထိခိုက်မှု ဖြစ်ရပ်ကလေးကြောင့်အမေရိကန် အမျိုးသမီးစစ်ရေယာဉ်မှူး Holly Graf တစ်ယောက် ၀ိပါက်ကြမ္မာငင်သွားပုံ၊ ပြီးတော့ Graf ရဲ့ ကြမ်းရှရှ စစ်မှုထမ်းဘ၀နဲ့ ခက်ထန်မာကြောတဲ့ စရိုက်လက္ခဏာတွေကို ပေါ်လွင်အောင်ရေးဖွဲ့သွားလိုက်တာ စာပိုဒ်တွေ ဖတ်နေရင်းမှာ ကျနော့ရင်ထဲအထိ ခံစားမှုလေးတွေရိုက်ခတ်လာတယ်။
သြော်.. စစ်သားဘ၀စစ်သားစရိုက်ဆိုတာ သူတို့လိုနိုင်ငံကြီးတွေမှာ ကိုယ့်နိုင်ငံနဲ့သိပ်မကွာခြားလှပါလား… စစ်သားမှန်ရင်စိတ်ကြမ်းကိုယ်ကြမ်းမှ တန်ကာကျတယ်ဆိုတဲ့ သူမျိုးတွေ သူတို့ဆီမှာလည်း ရှိနေပါလား.. စစ်မှုထမ်းတစ်ဦးဟာ စစ်တပ်ထဲမှာချမှတ်ထားတဲ့ စည်းမျဉ်းဥပဒေတွေကိုသာမက
လိုက်နာစောင့်ထိန်းအပ်တဲ့ အစဉ်အလာတွေကိုလည်း အလေးထားစောင့်စည်းပါမှ ကြည်သာရွှင်ပြစွာဆက်ဆံတတ်ပါမှ စစ်မှုထမ်း ကောင်း တစ်ဦးရဲ့ပုံရိပ်လက္ခဏာ ပေါ်လွင်နိုင်ပါတယ်။ ထူးခြားတာကတော့ အဲဒီလိုကြမ်းတမ်းခက်ထော်တဲ့ ကိုယ်ချင်းစာ နာမှုကင်းတဲ့ စစ်မှုထမ်းတွေကို ကိုင်တွယ် အရေးယူပုံယူနည်းတွေပါပဲ။ အမေရိကန်ရေတပ် အုပ်ချုပ်ရေးပုံစံ တစ်စိတ်တစ်ပိုင်းကို သိမြင်နားလည်ခွင့်ရလိုက်ပါတယ်။
စစ်မှုထမ်းဘ၀ကိုရောက်ရှိလာတဲ့ အမျိုးသမီးအများစုဟာ ဘာကြောင့်များသာမန်ထက်ပိုပြီး စိတ်ကြမ်း ကိုယ် ကြမ်း ဖြစ်လာရတာလဲ။ သူတို့ကျင်လည် ဖြတ်သန်းရတဲ့ လုပ်ငန်းခွင်အတွေ့အကြုံက သင်ကြားပေးလိုက် တာ လား။ ဒါမှမဟုတ် ပုရိသတွေ အလယ်မှာ မိမိကိုယ်မိမိ သိမ်ငယ်စိတ်မ၀င်အောင် စိတ်တွန်းအားဖြည့်တင်းတဲ့ သဘောနဲ့ တမင်ပြုမူဆောင်ရွက် ကြရတာလား။ ဝေခွဲရမလွယ်ကူတဲ့ အတွေးတစ်ခု ကျနော့စိတ်ထဲမှာ နေရာယူ လွှမ်းမိုးနေပါတော့တယ်။
ကျနော်တို့တပ်မတော်(ရေ)ကို စတင်စာရင်းသွင်းဝင်ရောက်ချိန်၊ သင်တန်းမတက်ရမီ ဧရာဝတီရေတပ်စခန်း ဌာနချုပ်(ဧရခ) လက်အောက်ခံ အမှတ်(၃၃)ရေတပ်အုပ်ချုပ်ရေးတပ်(ရအတ-၃၃)မှာ အချိန်ကာလတစ်ခု ခေတ္တတွဲဘက်ခဲ့ရပါတယ်။ အဲဒီကာလအတွင်း တပ်ထောက်လုပ်အားပေးတာဝန်တွေဖြစ်တဲ့ တပ်ဝင်းသန့်ရှင်း ရေး၊ လမ်းပြင်မြေဖို့၊ အရာရှိရိပ်သာနဲ့ အရာခံအကြပ်ကြီးရပ်သာ သန့်ရှင်းရေး စတာတွေမှာ သန္ဓေ၀င်စစ်သည် များနဲ့ အတူပူးတွဲလုပ်အားပေးရပါတယ်။
လုပ်အားပေးသွားရမယ့်နေရာတွေ ခွဲဝေသတ်မှတ်တဲ့အခါ ကျနော်တို့သွားရမှာကြောက်တဲ့ နေရာနှစ်ခု ရှိပါ တယ်။ ရုပ်ရှင်ရုံလုပ်အားပေးနဲ့ ဗိုလ်မှူး ဒေါ်သန်းရှိန်ရဲ့အိမ်လုပ်အားပေးသွားရမှာကိုကြောက်ကြ တာပါ။ ရုပ်ရှင်ရုံတာဝန်ခံ ဒုအရာခံဗိုလ်ခင်မောင်ဟာ ရဲဘော်တွေကို မညှာမတာခိုင်းတဲ့နေရာမှာ အင်မတန် နာမည် ကြီးကြောင်း ကြားဖူးနားဝရှိထားကြတာကတစ်ကြောင်း၊ ကိုယ်တိုင်လုပ်အားပေးခဲ့ရတဲ့ သူငယ်ချင်း အချို့ကို ခွေးလှေးယား ခြုံကြီးတွေ ရှင်းခိုင်းလို့ အဆောင်ပြန်ရောက်တဲ့အခါ တစ်ကိုယ်လုံး အဖုအပိန့်တွေထပြီး နေလို့ ထိုင်လို့မရအောင် ခံစားနေရတာကို မျက်မြင်တွေ့ဖူးထားတာက တစ်ကြောင်းကြောင့် သွားရမှာ အင်မတန် လန့်ပါတယ်။ ရဲဘော်တွေက ဆရာကြီးခင်မောင်ကို နိုင်ငံတော်ခင်မောင်လို့ သုံးနှုန်းခေါ်ဝေါ်ကြပါတယ်။
နောက်တစ်ဦးက ဗိုလ်မှူးဒေါ်သန်းရှိန်။
အဲဒီအချိန်က ဗိုလ်မှူးဒေါ်သန်းရှိန်ဟာ သက်ပြည့်ပင်စင်ယူခါနီး ရအတ(၃၃) မှာ ခေတ္တတွဲဘက်ထားချိန်ဖြစ်တာ မို့ သူ့အတွက်တာဝန်ရယ်လို့ ထူးထူးခြားခြားမရှိလှပဲ အိမ်မှာပဲ အမြဲလိုလိုရှိနေတတ်ပါတယ်။ ဒါကြောင့်လည်း သူ့အိမ်သန့်ရှင်းရေးလုပ်ဖို့ သွားရောက်သူတွေဟာ ဗိုလ်မှူးအန်တီကြီးရဲ့မျက်စိအောက်မှာ အဆက်မပြတ် လက်ထောက်ချခိုင်းစေတာကို မညီးမငြူတမ်း လုပ်ကိုင်ကြရတယ်။ လုပ်တာကိုင်တာသဘောမကျတဲ့အခါ “နင်ကလည်း ယောက်ျားဖြစ်ပြီး လပျော့လပြင်းနိုင်လိုက်တာ ဒီလိုပုံမျိုးနဲ့ စစ်သားလုပ်အုံးမလို့လား”  “ဟိုခေတ်ကဆို နင်တို့လိုကောင်မျိုးတွေ စစ်သမီးစီးတဲ့ဖိနပ်တိုက်ရဖို့အောင် မလွယ်ဘူး” စသဖြင့် ခပ်နှိမ်နှိမ် စကားတွေပြာတတ်ပါတယ်။ ပြီးတော့လည်း ကိုယ့်ရာထူးနဲ့လျော်ညီအောင်မနေတတ်။ တပ်သားသစ်တွေ ရေမြောင်းဖော်နေတဲ့ အိမ်နောက်ဖေးလမ်းကြားထဲထိလိုက်လာပြီး အနားမှာခါးထောက်ရပ်ကြည့်နေတတ်တယ်။ ပြီးတော့ လက်ညှိုးက ဒီထိုးဟိုညွှန်။ ပုခုံးပေါ်မှာ ဗိုလ်မှူးအပွင့်တပ်ထားတဲ့ ယူနီဖောင်းကြီးတကားကားနဲ့ လက်ကြားမှာ စီးကရက်က ညှပ်ထားလိုက် သေး။(တကယ့်ကိုအမြင်ကပ်စရာကြီး…)
အလုပ်သိမ်းတော့ ရေဘုံဘိုင်မှာ လက်ကိုရေစင်အောင်ဆေးခိုင်းတယ်။(ဆပ်ပြာတော့ ထုတ်မပေးဘူး) ပြန်ခါနီးမှာ အားလုံးတန်းစီခိုင်းပြီး မုန့်ပုံးထဲက ဘီစကစ်မုန့် ၅ခုစီလောက် လိုက်ဝေပေးတယ်။ အဆောင် ပြန်တော့လည်း  စနစ်တကျတန်းစီပြီး သွား/မသွား အိမ်ရှေ့ကနေ ရပ်ပြီးစောင့်ကြည်နေတယ်။ (ပဲကတုံးတွေ ခမျာ ၀မ်းသာရအခက် စိတ်နာရအခက်)။ တပ်ထဲမှာ ဟိုဟိုဒီဒီသွားလာတဲ့အခါ စီအိုဒေါ်သန်းရှိန်ကို တွေ့ပြီဆို တာနဲ့ ညာဘက်လက်ကို နဖူးပေါ်ပစ်တင်ပြီး အလေးပြုလိုက်တာမမှားဘူး။ နို့မို့များတော့ ရဲဘော်သစ်တွေ ဘာတွေ နားမလည်။ နာဖို့သာပြင်ပေတော့…
သူနဲ့ပတ်သက်ပြီး အလေးပြုတဲ့ ပုံပြင်လေးတစ်ခု တပ်ထဲမှာပြောစမှတ်ကျန်ခဲ့တယ်။ တစ်ခါက ရဲဘော်တစ်ယောက် သူ့ကိုအလေးမပြုရကောင်းလားဆိုပြီး ဆူလည်းဆူ အပြစ်လည်းပေးတော့ အဲဒီရဲဘော် တော်တော်လေး ရှက်သွားရှာတယ်။ ဒါနဲ့ သူ့ကိုပညာပေးဖို့ အခွင့်ကောင်းကို စောင့်နေခဲ့တာပေါ့။ မကြာလိုက်ပါဘူး။ ရုံးပိတ်ရက်တစ်နေ့မှာ ဗိုလ်မှူးဒေါ်သန်းရှိန်တစ်ယောက် အရပ်ဝတ်ကို ရှိုးစမိုးအပြည့်ဝတ်ပြီး ဗိုလ်ချုပ်ဈေးကို ဈေးဝယ်ထွက်တယ်။ ဟိုရဲဘော်လည်း ယူနီဖောင်းအကျအန၀တ်ပြီး ဗိုလ်ချုပ်ဈေးကိုရောက် သွားတယ်။ ဆိုင်တစ်ဆိုင်မှာဈေးဆစ်လို့ကောင်းနေတုန်း အသင့်စောင့်နေတဲ့ရဲဘော်က ရှေ့မှာလာရပ်ပြီး သတိဆွဲလျက်အလေးပြုလိုက်တယ်။ နောက်တစ်ဆိုင်ပြောင်းဝယ်တဲ့အခါမှာလည်း လိုက်လာပြီး အလေးပြုပြန် တယ်။ သွားလေရာ လူမြင်ကွင်းမှာ လိုက်ပြီး အလေးပြုနေတော့တာပဲ။
နောက်ဆုံးတော့.. စမတ်ကျတာကိုကြိုက်တဲ့ ဒေါ်သန်းရှိန်၊ အရိုအသေပေးတာကိုနှစ်ခြိုက်တဲ့ ဒေါ်သန်းရှိန်ကြီး.. အလေးပြုတဲ့ရဲဘော်ကို မောင်းထုတ်ရအခက်၊ အရေးယူလို့လည်းမရ။ စိတ်ထဲမှာအောင့်သက်သက်၊ မျက်နှာကြီး ပုပ်သိုးသိုးနဲ့ ပြန်လာခဲ့ရတော့တယ်။
ဒေါ်သန်းရှိန် နောက်ပိုင်း တပ်ထဲမှာကြုံတွေ့ရတဲ့ ရေတပ်ပင်မဆက်သွယ် ရေးတပ်က ငွေစာရင်းအရာရှိ ဗိုလ်ကြီး ဒေါ်မြင့်မြင့်ခင်(နာမည်အတိအကျမမှတ်မိ)၊ အမှတ်(၃၆)စစ်ရေယာဉ်စုက အရာခံဗိုလ် ဒေါ်မီမီအောင်၊ ရေတပ် မှတ်တမ်းဌာနက အရာခံဗိုလ် ဒေါ်အုန်းမြင့်၊ တပ်ကြပ်ကြီး ဒေါ်အေးအေးသန့် တို့ကတော့ ကောင်းတယ်လို့ မပြောနိုင်တောင် ဒေါ်သန်းရှိန်လောက်မဆိုးပါ။ တခါတလေကျပြန်လည်း သူတို့နဲ့ဆက်ဆံရတာ အမေနဲ့အတူ လုပ်ငန်းခွင်ထဲ ရောက်နေသလိုလို။
ကျနော်မှတ်တမ်းရုံးမှာ တာဝန်ကျတုန်းက ဆရာမကြီး ဒေါ်အုန်းမြင့်တို့နဲ့ ဆက်ဆံရေးပြေလည်တဲ့အချိန်မှာဆို ခွင့်တင်ရတာ လွယ်မှလွယ်။ သူတို့ရှေ့မှာ မျက်နှာသေလေးနဲ့ အိမ်ကအခက်အခဲတွေ အဆင်မပြေတာတွေကို ရင်ဖွင့်ပြလိုက်။ ထမင်းစားချိန်ရောက်တာနဲ့ သူတို့က ကျနော့ကိုယ်စား ခွင့်တိုင်ပေးတော့တာပဲ.. လက်ထောက် ဌာနမှူး ဗိုလ်ကြီး ကြည်မောင်က သူတို့အဖွဲ့နဲ့ထမင်းအတူစားတာကိုး…သူတို့စိတ်တိုင်းမကျလို့ ရစ်ပြီဆိုရင်လည်း တစ်နေကုန် ပြေးပေါက်မရှိ၊ ခေါင်းငုံ့လည်စင်း ခံပေရော့ပဲ.. ခုနောက်ပိုင်းရေတပ်မှာ စစ်သမီးတွေ မရှိတော့။
ပြီးတာတွေလည်း ပြီးခဲ့ပါပြီ… စိတ်ထဲမှာတွေးနေမိတာက….
မြန်မာပြည်က စစ်သမီးတွေထက်စာရင် ရေတပ်ဗိုလ်မှူးကြီးဖြစ်မှ အနားပေးခံလိုက်ရတဲ့ အမေရိကန် တိုက်ခိုက် ရေးစစ်သင်္ဘောကြီး နှစ်စီးကိုဦးစီးကွပ်ကဲခွင့်ရလိုက်သော နှစ်စီးရှင် ဟိုလီဂရ(ဖ်) Holly Graf ရဲ့ဘ၀ဇာတ် ကြောင်းက ပိုလို့များ ဖြေသိမ့်ကျေနပ်စရာ ကောင်းလေမလား….။
အားလုံးကိုလေးစားလျှက်….
နေမင်းသူ
၃၀ ဇူလိုင် ၂၀၁၁