| မိုင်းပွန်စော်ဘွား စ၀်စံထွန်း | |
 | |
| မွေးသက္ကရာဇ် | ၁၂၆၉-ခုနှစ်၊ နယုန်လပြည့်ကျော် ၅-ရက်၊ သောကြာနေ့ |
| အမည်ရင်း | စ၀်စံထွန်း |
| နိုင်ငံ |  မြန်မာ |
| မိဘအမည် | စော်ဘွားကြီးစပ်ခွန်ထီး + နန်းစိန်ဥ |
| ကိုးကွယ်မှု | ဗုဒ္ဓဘာသာ |
| အလုပ်အကိုင် | အတိုင်ပင်ခံဝန်ကြီး |
| မွေးဖွားရာဒေသ | မိုင်းပွန်မြို့ (ရှမ်းပြည်တောင်ပိုင်း) |
| ထင်ရှားကျော်ကြားမှု | အာဇာနည် ပုဂ္ဂိုလ် |
မိုင်းပွန်စော်ဘွားကြီးစ၀်စံထွန်း (၁၂၆၉-၁၃၀၉) ကား ရှမ်းပြည်တောင်ပိုင်း။ မိုင်းပွန်မြို့ အဖစော်ဘွားကြီးစပ်ခွန်ထီး။ အမိနန်းစိန်ဥတို့မှ သက္ကရာဇ် ၁၂၆၉-ခုနှစ်။ နယုန်လ ပြည့်ကျော် ၅-ရက်။ သောကြာနေ့တွင် ဖွားမြင်ပါသည်၊
Contents[hide] |
ပညာရေး
၅-နှစ်သားအရွယ်တွင် တရားမစာရေးကြီး ဦးစံဖေထံ မြန်မာ၊ အင်္ဂလိပ်စာပေ အခြေခံကို ၂-နှစ်သင်ယူပြီး တောင်ကြီးမြို့ ရှမ်းစော်ဘွားသားများ အထက်တန်းကျောင်းတွင် ဆက်လက်သင်ကြားရာ ထိုကျောင်းမှ ၁၀-တန်းအောင်မြင်လေသည်။မန္တလေးမြို့ ရဲအုပ်သင်တန်းကျောင်းတွင် ၆-လတက်ရောက်ပြီး
ဗန်မော်မြို့တွင် အလုပ်သင်ဝန်ထောက်အဖြစ် ခေတ္တဆောင်ရွက် သည်၊ ထိုမှတဖန် တောင်ကြီးမြို့ ရှမ်းပြည်မင်းကြီးရုံတွင် အလုပ်လုပ်သည်၊ ၁၉၂၀-၀ါဆိုလဆန်း ၁၁-ရက်နေ့တွင် အခမ်းအနား ဖြင့်စော်ဘွား ရာထူးဆက်ခံရသည်မှ မိုင်းပွန်စော်ဘွားဟု အမည်တွင် လေတော့သည်၊
၁၂၉၄-ခုနှစ်။ တန်ဆောင်မုန်းလဆန်း ၁၄-ရက်နေ့တွင် မိုးမိတ်မြို့ စော်ဘွားကြီးသမီး စ၀်ခင်သောင်း(စ၀်ခွန်ချိုနှမ)နှင့် လက်ထက်ထိမ်းမြားရာ သား၊ သမီး ၄-ယောက်ထွန်းကားခဲ့သည်။ မိုင်းပွန်စော်ဘွားသည် ကျန်းမာရေးကိုအထူးလိုက်စားပြီး ဘောလုံးကစားရာတွင် ဂိုးစောင့်နှင့်လက်ဝဲဝင်းအဖြစ်နာမည်ကြီးခဲ့ လေသည်၊ ဘာသာတရားတွင်လည်း အလွန်ကိုင်းရှိုင်းပြီး အရက်၊ ဆေးလိပ်မသောက်၊ ကွမ်းမစားတတ်။ ပေါင်းသင်းဆက်ဆံရေးတွင်လည်း အလွန်ပြေပြစ်သူဖြစ်သည်။
တိုင်းရင်းသားစည်းလုံးညီညွတ်ရေး
ဒုတိယကမ္ဘာစစ်ပြီးသည့်နောက် ကမ္ဘာ့အခြေအနေ၊ မြန်မာ့အခြေအနေ၊ တောင်းတန်းဒေသအခြေအနေတို့ကို ကွက်ကျော်မြင်သဖြင့် မိုင်းပွန်စော်ဘွားသည် လွတ်လပ်ရေးအတွက် လုံးပမ်းလျက်ရှိသော ဗိုလ်ချုပ်အောင်ဆန်းနှင့် ရင်းနှီးပေါင်းဖက်မိကာ တောင်တန်း-မြန်မာညီညွတ်ရေးနှင့် ပူးပေါင်းမှုကိုခရစ်နှစ် ၁၉၄၆-ခုနှစ် နိုဝင်ဘာလမှစ၍ အစွမ်းကုန်ကြိုးစားတော့သည်။နယ်ချဲ့တို့သည် တောင်တန်းနှင့်မြန်မာ မပူးပေါင်းမိရန်အစွမ်းကုန် ကြိုးစားသော်လည်း ခေါင်းဆောင်ကြီးများ ကြိုးပမ်းမှုကြောင့် ၁၉၄၇-ခုနှစ် ဖေဖော်ဝါရီလ ၁၂-ရက်နေ့တွင် တောင်တန်း-မြန်မာ ပူးပေါင်းသည့် ပင်လုံစာချုပ်ကို အောင်မြင်စွာ ချုပ်ဆို လက်မှတ်ရေးထိုးနိုင်ခဲ့ကြသည်။
ထိုနောက် ၁၉၄၇-ခုနှစ် မတ်လ၂၆-ရက်နေ့မှစ၍ တောင်တန်းဒေသ အတိုင်ပင်ခံဝန်ကြီးရာထူးကို လက်ခံဆောင်ရွက်ခဲ့သည်။
အိမ်ထောင်ရေး
ဘ၀နိဂုံး
မိုင်းပွန်စော်ဘွားသည် တိုင်ပြည်အတွက်ကြိုးပမ်းနေစဉ် ၁၉၄၇-ခုနှစ်၊ ဇူလိုင်လ ၁၉-ရက်နေ့တွင် မသမာသူတို့လုပ်ကြံမှု ကြောင့်ရေတိမ်နစ်ခဲ့ရလေသည်။ ထိုစဉ်က သူသည်အသက် ၄၁-နှစ်သာရှိသေးသည်၊သူ၏အလောင်းကို ရှမ်းပြည်တောင်ပိုင်း မိုင်းပွန်မြို့သို့ ယူဆောင်သွားပြီးနောက် ၁၃၁၀-ပြည့်နှစ် ကဆုန်လဆန်း ၁-ရက်နေ့တွင် ရိုးရာအစဉ်အလာအခမ်းအနားဖြင့် ဖုတ်ကျဉ်းသဂြိုလ်ပြီး အရိုးပြာတစ်ဝက်ကို ရန်ကုန်မြို့ အာဇာနည်းကုန်းသို့ပို့၍ တစ်ဝက်ကိုကား မိုင်းပွန်မြို့ တောင်ဘက်ကုန်းတွင် အာဇာနည်ဗိမာန်ပြသာဒ် တည်ဆောက်ထားရှိလေသည်။ [1]
ကိုးကား
- ↑ ရန်ကုန်တက္ကသိုလ် ရှမ်းစာပေမြှင့်တင်ရေးအသင်းမှ ထုတ်ဝေသော (မိုင်းပွန်စော်ဘွား)စ၀်စံထွန်း အတ္ထုပ္ပတ္တိစာအုပ်
No comments:
Post a Comment