လာပြီ…လာပြီ….VIP

by Seaman Nayminthu on Friday, June 10, 2011 at 1:16pm

“အခြေအနေ ဘာထူးသေးလဲ အောင်ဘု..”
“VIP မလာတော့ဘူး တဲ့”
“ဟေ့ကောင် မင်းစကားအတည်ပြောစမ်း.. ဒါနောက်စရာမဟုတ်ဘူးကွ”
“ဆရာကြီးရယ်… ဌာနချုပ်ရုံးမှာ ပြောနေကြတာကို ကျနော်ကြားခဲ့တာပါ”
“မလာလို့မဖြစ်ဘူးကွ လာကိုလာရမယ်”
“သြော်.. ဆရာကြီးကလည်း VIP မလာတော့ ကျနော်တို့စောစော တန်းဖြုတ်ရတာပေါ့.. ပိုမကောင်းဘူးလား”
“မင်းမသိပါဘူးကွာ”
တပ်ကြပ်ကြီး မောင်နီတစ်ယောက် နဖူးပြင်ပေါ်ကချွေးစီးကြောင်းတွေကို စစ်ဦးထုပ် နွမ်းနွမ်းကြီးနှင့် တအား ဖိသုတ်လိုက်ရင်း နီးစပ်ရာ မလေးရှားပိတောက်ပင်တစ်ပင်ကို မှီပြီးထိုင်ချလိုက်လေသည်။ ပြီးတော့မှ ကောင်းကင်ကိုမော့ကြည့်ကာ တစ်စုံတစ်ခု ရေရွတ်လိုက်သည်။ သူတို့တစ်တွေ ရဟတ်ယာဉ်ကွင်း လုံခြုံရေး တာဝန်ယူထားရသည်။
………………………………………………………………………………………………………………………………………
နှစ်စဉ်နှစ်တိုင်း မိုးလေကင်းစင်ခါစ ပွင့်လင်းရာသီရောက်လာတိုင်း VIP တစ္ဆေက ခြောက်ခြောက်လာ တတ်မြဲ။ VIP လာမည်ဟု သတင်းရပြီဆိုလျင် ဌာနချုပ်တစ်ခုလုံး ခေါင်းကိုဆင်နင်းတဲ့ကိန်းဆိုက်ပြီ။ ခရီးစဉ် မတိုင်မီ တစ်လလောက်အကြိုကတည်းက မနေမနား အားသွန်ခွန်စိုက် ပြင်ဆင်ကြရသည်။ မြက်တွေအသေ အလဲ ခုတ်ရသည်။ ဟိုင်းကြီးဒေသမှာ ပေါက်သည့်ကြိမ်မြက်ရိုင်းတွေက သန်စွမ်းထူထဲလွန်းလှသည်။ တပ်ထောက်က ပေါက်တူး မတိုးနိုင်လောက်အောင် မာကြောသည်။ မြက်ခုတ်ဓားနှင့်ဆိုလျင်တော့ မဖြုံရေးချ မဖြုံ။ သုံးထပ်လောက်ခုတ်မှ မြေသားပေါ်သည်။ သည်ကြားထဲ တပ်ဧရိယာက ကျယ်ဝန်းတော့ မြက်ခုတ်ခြင်း သည်ပင်လျှင် အလုပ်ကြီးတစ်ခုလို ဖြစ်နေသည်။ ပမ္မ၀တီရေတပ်စခန်းဌာနချုပ်(ပရခ)မှာ တာဝန်ထမ်းဆောင် ဖူးသည့် စစ်သည်တိုင်းလိုလို မြက်ခုတ်နည်း အထူးကျွမ်းကျင်သွားတော့သည်။
တစ်မိုးတွင်းလုံး ဂျီအီးကားတွေ ပစ္စည်းသယ်ထားတာကြောင့် ပျက်စီးချင်တိုင်းပျက်စီးနေသော ချိုင့်ခွက်ဗလပွ လမ်းများကို ပြုပြင်ဖာထေးရသည်။ ဆေးရောင်မှိန်မှိန် တပ်ဆိုင်းဘုတ်များ၊ အဆောက်အဦးနံရံများကိုလည်း သည်အတိုင်း ပစ်ထား၍မရ။ ဆောက်လက်စ ဟိုင်းကြီးရွာဟောင်းက ပြည်ခိုင်ဖြိုးရုံးနှင့် ရွာသစ်က မူလတန်း ကျောင်းတွေ အချိန်မီပြီးစီးအောင် လုပ်အားပေးရာမှာလည်း စစ်သည်များ၏တာဝန်ဖြစ်လာသည်။ ဟိုင်းကြီးမှာ ပြည်ခိုင်ဖြိုး စည်းရုံးရေးမှူးက ပရခဌာနချုပ် G1 နှင့် တိုက်ရိုက်ဆက်ဆံသည်။ ထို့ပြင် ပင်လယ်ကမ်းခြေရှိ ဂေါက်ကွင်းကိုလည်း ညီညာပြန့်ပြူးနေအောင် မြေဖို့၊မြေညှိ၊ မြက်စိုက် သေချာဂရုတမထား ပြင်ဆင်ရသည်။ VIP ဂေါက်သီး လမ်းကြောင်းမဖြောင့်ဖြူးပါက နဂါးမျက်စောင်း သင့်တတ်၍ဖြစ်သည်။
အိမ်ထောင်သည်လိုင်းခန်းများ ပတ်ဝန်းကျင်သာယာလှပရေးကတော့ ရဲမေများ၏ တာဝန်။ ပြီးတော့ ကြိုဆိုရေး၊ ဧည့်ခံကျွေးမွေးရေး။ ခေါင်းစဉ်လေးတွေလှသလောက် ခေါင်းတွေခဲအောင် ကြိုးစားစီမံဆောင်ရွက် ကြရသည်။ ဗူးသီးကြော်၊ ကောက်ညှင်းပေါင်းမှသည် ခေတ်မီဟော်တယ် အစားအစာတွေထိ ပြင်ဆင် ချက်ပြုတ် ရသဖြင့် အ၀ယ်တော်တွေ ရန်ကုန်မြို့အထိခြေဆန့်ကာ လိုအပ်တာတွေ ရှာရဖွေရသည်။ လိုအပ်လျင် အကောင်းဆုံး ဟော်တယ်စားဖိုးမှူးများ ငှားရမ်းကြရသည်။
ယခင်က တည်းခိုစရာနေရာကောင်းကောင်းမရှိသဖြင့် VIP တွေ ညအိပ်နားနေလေ့မရှိကြ။ ယခုတော့ ဟိုင်းကြီး တောင်စွန်း view ကောင်းကောင်းတစ်နေရာမှာ VIP House ကို နန်းတော်ကြီးပမာဆောက်ထားသည်။ ပင်လယ်ပြင်ကို အထက်စီးယူထားတဲ့ အဲဒီနေရာမှာ လေညှင်းခံရင်း၊ ပင်လယ်အော်သံနားထောင်ရင်း၊ ဆုံးစမဲ့ မိုးကုတ်စက်ဝိုင်းကိုငေးမောကြည့်ရှုရင်း၊ ဆက်ရက်မင်း စည်းစိမ်ခံစားရင်း မိနစ်ပိုင်းအတွင်းမှာ ဘ၀အမောတွေ ပြေပျောက်သွားနိုင်သည်။ ပင်လယ်ပြာနှင့် လိုက်ဖက်ညီအောင် Blue Label နှင့်ဧည့်ခံမှ အဆင်ပြေသည်။
ပမ္မ၀တီရေတပ်စခန်းဌာနချုပ် တည်နေရာက VIP လမ်းကြောင်းပေါ်မှာ သာစည်ဘူတာလိုဖြစ်နေသောကြောင့် ကိုကိုးကျွန်းကိုသွားသွား၊   ပါလီပါလဲ့ကိုသွားသွား၊   မော်တင်စွန်းဘုရားပဲဖူးဖူး၊   ပုသိမ်ခရီးစဉ်ပဲဖြစ်ဖြစ် ဟိုင်းကြီးကျွန်းကို ခလုတ်တိုက်မြဲ။ ပရခ မှာ ခရီးတစ်ထောက် ၀င်နားနိုင်သည်။ တစ်နှစ်တစ်ခေါက်တော့ ပုံမှန် ရောက်လာ တတ်မြဲမို့လည်း မလာမချင်း ရတက်မအေးနိုင်။
သည်တော့ ကိုယ့်ဆီကိုဦးတည်လာမှ မဟုတ်။ ကိုယ်နှင့် ဆက်စပ်နေသည့် ခရီးစဉ်ရှိတိုင်း လိုရမယ်ရ ပြင်ဆင် ထားရသည်။ VIP တစ်ခါလာတိုင်းလည်း တပ်ပိုင်ရံပုံငွေစာရင်းမှာ ကျပ်သိန်းဆယ်နှင့်ချီပြီး minus ပြသွားလေ့ရှိ သည်။ VIP ပြန်သွားတဲ့အခါ ဌာနချုပ်မှူးရဲ့မျက်နှာ အလှူရေစက်ချပြီးခါစ ကျောင်းဒကာကြီးလို မရွှင်ပြနိုင်တာ အမှန်။ (ထိုအချိန်က ဌာနချုပ်မှူး ကိုသာဆိုလိုပါသည်။)
ဧည့်သည်အတွက်တော့ ခရီးတစ်ထောက်နားရုံသာ။ အိမ်ရှင်ခမျာမှာက အီးပေါက်ချိန်မရအောင် ဗျာများရသည်။ သည်လို အချိန်ကုန်၊ ငွေကုန်၊ လူတွေလည်း ခြေကုန်လက်ပမ်းကျအောင် လုပ်ကိုင်ပြင်ဆင်ထားပြီးမှ VIPခရီးစဉ် ပျက်ပြယ်သွားသည် ဆိုသောစကားကို ဘွာတေးလုပ်၍ အလွယ်တကူ ကျေအေးနိုင်ပါ့မလား။
သည့်အတွက် တပ်ကြပ်ကြီး မောင်နီ ကျွဲမြီးသွားခြင်း ဖြစ်ပုံရသည်။

နေမင်းသူ
၈ ဇွန် ၂၀၁၁