မလေးရှားသို့ အိမ်အကူပါမစ်ဖြင့် စေလွတ်ရန်ဆွေးနွေးပွဲအား ဝိုင်းဝန်းကန့်ကွက်ပေးကြပါ (ပေးစာ)

Saiaipee Kyaukme

 

မလေးရှားဆိုတာနဲ့ ကုန်ကျစာရိတ်ခပ်ပါးပါးဆိုတော့ စိတ်ဝင်စားသူက များသားလားဗျာ။   ဟော.................
ရောက်လာပြန်ပြီ မနေ့ကတစ်သုတ်၊ ဒီနေ့တစ်သုတ် နောက်ထပ်ရောက်လာဖို့လဲ ကြားရပါ၏။   တစ်ကယ်တမ်း
ရောက်လာကြတော့  ဒုက္ခတွေနဲ့  ဆီးတွေ့ရတာပါပဲ။ အဆင်မပြေမှုတွေက ပေါင်းစုံ။   အလုပ်အကိုင်မကောင်း
တာက   တစ်မျိုး၊  ငွေလဲနူန်းကျဆင်းတာက  တစ်ဖုံ၊  ဟိုကနှိပ်စက်၊  ဒီကနှိပ်စက်     မျက်ရည်နဲ့မျက်ခွက်တွေ
ဒုနဲ့ဒေး။ အဆင်မပြေတာများလာတော့ကြုံသလိုဖြေရှင်းကြရတော့တာပါပဲ။တစ်ချို့တစ်ဝက်မျက်ရည်စက်လက်နဲ့
ဘဝပျက်သူတွေပျက်။ တစ်ချို့တစ်ဝက် အရက်ခွက်နဲ့ ရေစုန်မျှောသူမျှော။ တစ်ချို့တစ်ဝက် ဘဝက နေတတ်ရင်
ကျေနပ်စရာကြီးဆိုကာ စိတ်ရှိတိုင်း ပျော်သူပျော်။  (အိမ်က မိဘတွေတော့ ဒူးနဲ့မျက်ရည်သာ သုတ်ရပေသပေါ့)
ဒီလိုဒုက္ခတွေတစ်လှေကြီးနဲ့တောင်  ထပ်ပြီးကြားသိလာရပါတယ်၊  “မလေးရှားကို အိမ်အကူပါမစ်နဲ့   ခေါ်ယူဖို့”
ဆွေးနွေးကြပါသတဲ့။ ကျနော်တို့ မလေးရှားမှ မောင်မယ်များ ခေါင်းချင်းဆိုင်ကုန်ကြပါတော့တယ်။    အိမ်အကူ
ပါမစ်နဲ့သာ မလေးကိုလာကြမယ်ဆိုရင် ကျုပ်ညီမငယ်တို့ဒုက္ခတွေ့ကြမှာမြေကြီးလက်ခတ်မလွဲပါပဲ။ ဒါတွေတွေး
ရင်း ရင်လေးမိတာကြောင့် ဒီပေးစာလေး ရေးပို့လိုက်ရပါတယ်။

(ဥပဒေလက်တစ်လုံးခြား လူကုန်ကူးမှုများ)

မြန်မာပြည်ကနေ ပြည်ပထွက်ခွာ အလုပ်လုပ်ကြတဲ့သူတွေဟာ  လူကုန်ကူးမှုအခံရဆုံးနိူင်ငံတွေကို  ပြပါဆိုရင်
မလေးရှားနဲ့ထိုင်းဟာ လူကုန်ကူးမှုအများဆုံးလို့  ကျွန်တော်ခန့်မှန်းမိပါတယ်။ မလေးရှားမှာ  လူကုန်ကူးမှုဟာ
မြင့်တက်နေဆဲပါ။ မလေးကိုလာကြတဲ့သူအများစုဟာ (အများအားဖြင့်) ပညာတတ်နည်းပါးလှပါတယ်။  ရိုးရိုး
သားသား တောသူ၊တောင်သားတွေများပြီး အချို့တစ်ဝက်မှာ မိမိလူကုန်ကူးခံရတာတောင် မသိလိုက်ပဲ  အိမ်
ပြန်ရောက်သွားသူတွေလဲ မနည်းလှပါ။ ရက်စက်ယုတ်မာသော
လူလိမ်များရဲ့လှည့်ကွက်အောက်မှာ  ခေါင်းငုံ့
ခံခဲ့ရပြီး မျက်ရည်သုတ်ခဲ့ရသူများလဲ မနည်းလှပါ။  အများအားဖြင့် မလေးရှားကိုလာကြတဲ့သူတွေဟာ  မြန်မာ
ပြည်က အေးဂျင့်၊ပွဲစားများရဲ့ဒဏ်ကို အနည်းနဲ့အများ  ခံခဲ့ကြရပါတယ်။  လိုအပ်တာထက်  ဝန်ဆောင်ခတွေ
ပိုပေးခဲ့ကြရသလို၊တစ်ဖက်နိူင်ငံရောက်တဲ့အခါမှာလဲတာဝန်ယူပေးခြင်းမရှိကြပါဘူး။ လူတွေကို ကြက်ကလေး
ငှက်ကလေးရောင်းဝယ်သလိုမျိုး ရက်စက်ကြပါတယ်။ဒီလိုအခက်အခဲတွေနဲ့ မလေးကိုရောက်လာပေမဲ့ မလေး
ဘက်မှာလဲ လူကုန်ကူးခံကြရသူတွေ များပြားလှပါတယ်။ မလေးရှားရဲ့ ယခုနောက်ပိုင်းပြဌာန်းလိုက်တဲ့ ပြည်ပ
အလုပ်သမားခေါ်ယူခွင့်ဟာ အလုပ်သမားခေါ်ယူလိုတဲ့ အလုပ်ရှင်တိုင်းဟာ ရင်းနှီးမြုပ်နှံငွေ(ရင်းဂစ်-တစ်သိန်း)
အထက်ပြနိူင်တဲ့  လုပ်ငန်းရှင်များသာ အလုပ်သမားခေါ်ယူခွင့်ပေးပါတော့တယ်။  ဒီအခြေအနေဟာ  လုပ်ငန်း
သေးလေးတွေမှာ အလုပ်သမားခေါ်ယူလိုတဲ့ အလုပ်ရှင်များဟာ ခေါင်းကိုက်စရာအခြေအနေတစ်ရပ်ဖြစ်လာပါ
တော့တယ်။ ဒီအခက်အခဲကို မလေးအေးဂျင့်များဟာ မိမိတို့ကုမ္ပဏ္ဏီများကိုဟန်ပြလုပ်ကာ မလေးအစိုးရထံမှာ
အလုပ်သမားခေါ်ယူခွင့်တင်ကာ ရရှိလာတဲ့အလုပ်သမားခေါ်ယူခွင့်ပါမစ်များကို လုပ်ငန်းသေးများမှာ ပြန်လည်
ရောင်းချကြပါတော့တယ်။ ရက်စက်ယုတ်မာတဲ့ လူကုန်ကူးနည်းတစ်မျိုးပါ။ လူကုန်ကူးရောင်းချခံရတဲ့ အလုပ်
သမားများဟာ လစာအကျိုးခံစားခွင့်အမြောက်အများဆုံးရှုံးခဲ့ရပြီး လစာ(လုံးဝ)မရရှိခြင်း၊ လူဝင်မှုကြီးကြပ်ရေး
မှစစ်ဆေးခံရတဲ့အခါမှာ (မိမိချုပ်ဆိုခဲ့သောကုမ္ပဏ္ဏီတွင်သာ အလုပ်လုပ်ကိုင်ခွင့်ရှိပြီး၊ အခြားလုပ်ငန်းတွင် ဝင်
ရောက်လုပ်ကိုင်ပါက ပါမစ်စာချုပ်မှာပျက်စီးသွားခြင်းကြောင့်) ပါမစ်အစစ်အမှန်မဟုတ်ခြင်းကြောင့် အဖမ်းခံရ
ခြင်း စတဲ့နစ်နာဆုံးရှုံးမှုတွေ ခံခဲ့ကြရပါတယ်။ (လူကုန်ကူးခံခဲ့ရသော ဘဝလေးများအကြောင်း      ကျွန်တော်
ယခင်က တစ်စေ့တစ်စောင်းရေးသားခဲ့ဖူးပါတယ်။ အောက်ဆုံးမှာ ဖတ်ရှုလိုသူများအတွက်     ထည့်သွင်းပေး
သွားပါမယ်ခင်ဗျာ။ )


(လက်ရှိမလေးရှားရဲ့ အလုပ်အကိုင်အခြေအနေ)

လက်ရှိမလေးမှာ “အထွေထွေလုပ်သား ပါမစ်” နဲ့တောင် အဆင်ပြေဖို့မလွယ်ကူလှတဲ့ အခြေအနေပါ။ (၂၀၀၉)
နောက်ပိုင်း ငွေလဲနူန်းကျဆင်းလာပြီးနောက်မှာ မလေးမှာလာကြတဲ့ အလုပ်သမားတွေ  အဆင်မပြေမှုအရမ်း
များလာခဲ့ပါတယ်။ လက်ရှိမလေးရဲ့ အထွေထွေလုပ်သား အခြေခံလစာဟာ တစ်ရက်မှာ (ရင်းဂစ် ၂၁) သာ ရှိ
ပါတော့တယ်။ တစ်ရက်ရဲ့ စားစာရိတ်ဟာ ထမင်းတစ်နပ်မှာ ဆိုင်မှာဝယ်စားခဲ့ရင် (ရင်းဂစ် ၆ကျပ်) ရှိပါတယ်။
တစ်ရက်ထမင်း(၂)နပ်(၁၂ကျပ်)မနက်ခင်းလ္ဘက်ရည်သောက်၊မုန့်စား(၃ကျပ်)အပိုအသုံးစာရိတ်မပါရင်တောင်
ရင်းဂစ် (၁၅ကျပ်) ကုန်နေပါပြီ။ ပိုငွေ (၆ကျပ်) မှာ  ကွမ်းစား၊ဆေးသောက်တတ်ရင်  ဘာမှမကျန်တော့ပါဘူး။
ဒီအခြေအနေကိုရောက်လာတော့ အထွေထွေလုပ်သားတွေတောင် အရင်းပြန်ရဖို့မနည်းရုန်းကန်နေရပါတယ်။
ဒီလိုအခြေအနေဆိုးမှာ အထွေထွေအလုပ်သမားပါမစ်နဲ့တောင်မှ မိန်းကလေးတစ်ယောက် မလေးကိုလာမယ်
ဆိုရင် ကျွန်တော် (လုံးဝ) အားမပေးပါဘူး။ မလေးရှားရဲ့ အိမ်အကူလခဟာ  (ရင်းဂစ်-၅၀၀-၆၀၀) ကြားမှာပဲ
ရနိူင်ပါတယ်။ ဘယ်လိုမှ အဆင်မပြေနိူင်တဲ့ ယခုလိုအိမ်အကူပါမစ်နဲ့ဆိုခဲ့ရင်တော့ ကျွန်တော်ပြင်းပြင်းထန်ထန်
ကန့်ကွက်ပါတယ်ဗျာ။  မိန်းကလေးတစ်ယောက်ရဲ့ ဘဝဟာ  နုနယ်လွန်းလှပါတယ်။   ယောင်္ကျားသားတွေလို
အဆင်မပြေလာရင် နေထိုင်ခွင့်ပါမစ်မဲ့ (Over Stay) နေဖို့ဆိုတာ မလွယ်ကူတဲ့ကိစ္စပါ။ ခိုကိုးရာမဲ့ ထွက်ပေါက်
မဲ့ ဘဝစတေးရမယ်ဆိုရင် တစ်ကယ်ရင်နာစရာကောင်းလှပါတယ်။ မိန်းမသားဘဝဟာ  “အနာပေါ်တုတ်ကျမှ
အနာဖြစ်တာမဟုတ်ပါဘူး။ ကျတဲ့တုတ်ကြောင့်လဲ အနာဖြစ်သွားတတ်ပါတယ်” ဗျာ။

(မလေးရှားရဲ့ အိမ်အကူပြဿနာ)

လက်ရှိ မလေးမှာအိမ်အကူပါမစ်နဲ့ဝင်ရောက်လုပ်ကိုင်သူအများစုကတော့ အင်ဒိုနီးရှားလူမျိုးစုများနဲ့ ဖိလစ်ပိုင်
အနည်းငယ်ရှိပါတယ်။ အင်ဒိုလူမျိုးမိန်းကလေးအများစုဟာ မလေးမှာ  အိမ်အကူပါမစ်နဲ့  လာရောက်ကြတာ
များပါတယ်။ ယခင်ထဲက မကြာခဏ အထိကရုဏ်းဖြစ်တတ်တဲ့ အင်ဒိုအစိုးရနဲ့ မလေးအစိုးရဟာ ယခုလက်ရှိ
အချိန်မှာတော့ အင်ဒိုမှအိမ်အကူပါမစ်များကို ပိတ်သိမ်းလိုက်ပါပြီ။ ဒီအချိန်မှာ လိုအပ်လာတဲ့ အိမ်အကူများကို
အလုပ်မှာတက်ကြွခြင်း၊ မခိုမကပ်လုပ်ခြင်း၊ သစ္စာရှိခြင်းအစရှိတဲ့ မြန်မာလူမျိုးများကို အလုပ်ရှင်များက မျက်
စောင်းထိုးလာတယ်လို့ ကျွန်တော်ခန့်မှန်းရပါတယ်။ လက်ရှိလုပ်ကိုင်နေကြတဲ့ အင်ဒိုလူမျိုးများဟာ မလေး
နဲ့ စကားတူ (အင်ဒိုစကား သပ်သပ်ရှိထားပေမဲ့ တော်တော်များများက တူပါတယ်) ဘာသာတူဖြစ်တာတောင်
မှ မလေးကအလုပ်ရှင်တွေက အင်မတန်နှိပ်စက်ကြပါတယ်။ အလုပ်ကို အချိန်အကန့်အသတ်မရှိခိုင်းစေခြင်း
အစားအသောက် ပုံမှန်မကျွေးခြင်း၊ စားကြွင်းစားကျန်များသာကျွေးခြင်း၊ ပြင်းထန်စွာရိုက်နှက်ခြင်း၊ လူအများ
ကြားတွင် (အရှက်သိက္ခာထိပါးသော) ဆဲရေးတိုင်းထွာခြင်း အစရှိတဲ့ပြဿနာများခံကြရပါတယ်။ ကျွန်တော့်
မျက်စိရှေ့မှာတင် အင်ဒိုအိမ်အကူတစ်ယောက်အား အိမ်ရှင်မှခင်းထားသောကြွေပြားကြားများကိုပွန်းပဲ့မှာစိုး၍
ဆိုကာ သွားပွက်တံဖြင့်တိုက်ခိုင်းသည်ပင်  မြင်ခဲ့ရဖူးပါတယ်။  ဒီလို  စကားတူ၊ ဘာသာတူတွေတောင် အဲလို
နှိပ်စက်ခံကြရတယ်ဆိုရင် ကျွန်တော်တို့မြန်မာလူမျိုးဆိုရင် ဆိုဖွယ်ရာပင်ရှိတော့မည်မဟုတ်ပါ။   ကျွန်တော်
တို့ဆီက (အတန်းပညာနည်းပါးလှတဲ့) မြန်မာမိန်းကလေးတွေဟာ အင်္ဂလိပ်စကားအခြေခံ နည်းပါလှပါတယ်။
ဘာသာမတူ၊လူမျိုးမတူ၊စကားမတူတဲ့ဒီလိုနေရာမျိုးမှာ ဘယ်လောက်ထိဒုက္ခရောက်နိူင်မလဲဆိုတာ ကျွန်တော်
တွေးတောင် မတွေးရဲပါဘူးဗျာ။

(ကျွန်တော်နဲ့ အိမ်အကူမြန်မာညီမတစ်ယောက်နဲ့ဆုံခြင်း)

(၂၀၀၇) မေလပိုင်းလောက်တုန်းက  (ရက်အတိအကျတော့ မမှတ်မိတော့ပါ) Ipoh မြို့ Goping Bus Station
မှာ သူငယ်ချင်းတစ်ယောက်အား သွားကြိုစဉ်က အဖြစ်ပျက်လေးတစ်ခု ပြောပြချင်မိပါတယ်။   ထိုညီမငယ်မှာ
ချင်းလူမျိုးတိုင်းရင်းသားတစ်ယောက်ဖြစ်ပြီး  မလေးရှားသို့  အောက်လမ်း (တရားမဝင်ခိုးဝင်)   မှလာရောက်
ခဲ့သူတစ်ယောက်ပါ။  မြန်မာစကားပင်  လုံးစေ့အောင်မပြောတတ်ရှာပါ။  ကျွန်တော်နဲ့ဆုံတော့  ထိုညီမငယ်မှာ
သူမအိမ်အကူအလုပ်လုပ်ခဲ့ကြောင်း၊   အိမ်ရှင်၏သားမှ  မတရားအဓမ္မပြုကျင့်ရန်ကြံစည်ရာ သူမမှငြင်းဆန်၍
ရိုက်နှက်ခဲ့ကြောင်း၊   အလုပ်ရှင်ပြန်လာသောအခါ  သားဖြစ်သူအား  အပြစ်မယူသည့်အပြင်  သူမအားထပ်မံ
ရိုက်နှက်နှိပ်စက်ကာ   မီးပူဖြင့်လက်အားကပ်ပြီး  နှိပ်စက်ကြောင်း၊    သူမကြောက်ရွံ့ကာထွက်ပြေးလာပေမဲ့
ဘယ်ကိုမှ   မသွားတတ်သေးကြောင်း၊   သူမှမိတ်ဆွေများအားဆက်သွယ်ကာ   လာခေါ်ခိုင်းရန်   ပုန်းခိုစရာ
တစ်နေရာရှာပေးပါလို့  အကူအညီလာတောင်းရှာပါတယ်။   ကျွန်တော့်မှာ   ရင်ထဲထိပြင်းပြင်းထန်ထန် ခံစား
နာကျင်မိပါတယ်ဗျာ။ သူမညာလက်တစ်ထောင်ဆစ်မှ    လက်ဖျံကြားမှာ  လေးလက်မခန့်ကြီးတဲ့ မီးပူဒဏ်ရာ
ကြီးနဲ့၊ ပါးလဲယောင်နေသလို နူတ်ခမ်းတစ်ဖက်လဲ  ကွဲသည်အထိ   နှိပ်စက်ထားတာတွေ့ရပါတယ်။ ကျောပြင်
မှာလဲ အင်္ကျီစုတ်သည်ထိ ရိုက်နှက်ထားတယ်လို့ ဆိုပါတယ်။   ကျွန်တော်လဲ ကားကွင်းထဲက တွေ့တဲ့မြန်မာ
လူမျိုးတွေကို အနည်းငယ်ရှင်းပြကာအကူအညီတောင်းကြည့်တော့  မျိုးချစ်မိတ်ဆွေများဝိုင်းဝန်းကူညီခဲ့ကြပြီး
ရင်းဂစ် (၂၀၀) ကျော်လောက် ကူညီငွေရလိုက်ပါတယ်။   တစ်နာရီခန့်အကြာမှာတော့  ချင်းလူမျိုးယောင်္ကျား
နှစ်ယောက်ရောက်လာကာ   ချင်းဘာသာစကားနဲ့ပြောဆိုကြပြီး  သူမကိုကူညီပေးမည်ဆိုကာ  ခေါ်သွားခဲ့ကြ
ပါတယ်။  ကျွန်တော်  ခဏတာမြင်တွေ့ခဲ့သော   အဲဒီအဖြစ်အပျက်လေးဟာ   တစ်သက်တာမမေ့နိူင်အောင်
ထိတ်လန့်စရာကောင်းလွန်းပါတယ်။  ဒီလိုအဖြစ်အပျက်တွေ မလေးရှားမှာ ဘယ်လောက်ထိများပြားနေမလဲ။
အရိုးခံဘဝလေးတွေ ညိုးနွမ်းနေတာ ကျွန်တော်ထပ်လဲ မမြင်လိုတော့ပါဗျာ။

တစ်နေ့က မလေးရှားအသံလွင့်ဌာနကနေ မြန်မာအစိုးရ သမ္မတဦးသိန်းစိန်တို့ဘက်မှ မလေးရှားသို့အိမ်အကူ
ပါမစ်ဖြင့် အလုပ်သမားသွင်းခွင့်ပေးဖို့ တောင်းဆိုခဲ့တယ်လို့ သတင်းထုတ်ပြန်သွားပါတယ်။ (သူတို့ကပဲ ပြော
ရတယ်ရှိသေးတယ်ဗျ) မြန်မာပြည်ထုတ်သတင်းစာမှာတော့ မလေးရှားအစိုးရဘက်က ကမ်းလှမ်းခဲ့ပြီး လက်ခံ
ဖို့ ညှိနိူင်းဆွေးနွေးဆဲပါတဲ့။ ဘယ်ဘက်ကပြောတာမှန်မှန် ဒီသတင်းကြားပြီးထဲက ကျွန်တော်တို့မှာ ရင်ပူမိတာ
အမှန်ပါဗျာ။ မလေးရှားလက်ရှိအခြေအနေနဲ့ဟာ  အိမ်အကူတွေလာဖို့ လုံးဝ (လုံးဝ)  မသင့်တော်တော့ပါဘူး။
အန္တရာယ်အရမ်းများသလို  အရိုးခံမြန်မာ  မိန်းကလေးတွေ  မျက်ရည်ပင်လယ်ဝေကာ  ရာပေါင်းများစွာသော
မိသားစုတွေ ဘဝပျက်ကြ မျက်ရည်ဝေကြရမဲ့အဖြစ်ကို ကျွန်တော်လက်ပိုက်ကာ ဥပေက္ခာမပြုရက်တာကြောင့်
ဒီပေးစာလေးကို ရေးလိုက်ရတာပါ။ မျိုးချစ်မိတ်ဆွေများ ဒီဆွေးနွေးပွဲကို ဝိုင်းဝန်းကန့်ကွက်ပေးကြပါ။ ဆွေးနွေး
ပွဲအတည်ဖြစ်ခဲ့ရင်တောင် စာရေးဆရာ၊ဆရာမများ ပညာပေးဆောင်းပါးလေးတွေရေးကာ  မလေးကိုမလာကြ
ဖို့ စည်းရုံးတားမြစ်ပေးကြပါလို့ ဒီနေရာကနေပဲ ကျွန်တော်မေတ္တာရပ်ခံပါတယ်ဗျာ။
ပေးစာအရှည်ကြီးကို သီးခံကာဖတ်ပေးကြတဲ့အတွက် ကျေးဇူးတင်ပါတယ်။

စိုင်းအိုက်ပီး (ကျောက်မဲ)
ခေတ္တ-မလေးရှား
14.4.2012 (06:46 am)