Wednesday, 07 September 2011 23:53 | 
ငါးနှစ်အတွင်း လူတိုင်းကားစီးနိုင်အောင် ဆောင်ရွက်သွားမည်ဟုဆိုပြည်သူ့လွှတ်တော်နှင့် အမျိုးသားလွှတ်တော်ကိုယ်စားလှယ်အားလုံးနီးပါး မြန်မာမီနီဆလွန်းကားများကို ရရှိနိုင်ရန် အမှတ် (၂) စက်မှုဝန်ကြီးဌာနက ဆောင်ရွက်ပေးသွားမည်ဖြစ်ပြီး မြန်မာနိုင်ငံသားအားလုံးသည် ငါးနှစ်အတွင်း ယင်းကားများကို လူတိုင်းစီးနင်းနိုင်ရန် ဆောင်ရွက်ပေးသွားမည်ဟု ပြည်ထောင်စုဝန်ကြီး ဦးစိုးသိန်းက ပြည်တွင်းမီဒီယာများနှင့် တွေ့ဆုံစဉ်ထုတ်ဖော်ပြောကြားလိုက်သည်။
“ဈေးကွက်အပေါ်ကို မလိုက်ချင်ဘူး။ Market က ဒီလူတွေပဲ ဖြစ်တယ်။ အဓိကကတော့ ဝန်ထမ်းတွေ၊ နိုင်ငံအကျိုးပြုတဲ့သူတွေ၊ စာပေအနုပညာရှင်တွေ၊ အငြိမ်းစားဆရာဝန်ကြီးတွေ၊ ပင်စင်စားတွေနဲ့ အနုပညာရှင်တွေကို ရောင်းချင်တယ်။ ဖြစ်ပေါ်နေတဲ့ ဈေးကွက်အရ ကားဈေးနှုန်းကို လိုက်မတက်ချင်ဘူး။
ဒီနှစ် ဒီဇင်ဘာလလောက်ဆိုရင် လူတော်တော်များများရသွားနိုင်တယ်။ နောင်နှစ် မတ်လလောက်ဆိုရင်
လူပေါင်း ၁၅၀၀ လောက်ကို ရောင်းချသွားနိုင်တယ်။ ဈေးက ၃၅ သိန်းတော့ မဖြစ်သေးဘူး။ ၅၅ သိန်းနဲ့သွားနေရမှာပါ” ဟု ပြည်ထောင်စုဝန်ကြီးက ဆက်လက်ပြောကြားသည်။
အဆိုပါကားများကို စထုတ်စဉ်က တစ်နေ့လျှင် ငါးစီးထုတ်လုပ်ခဲ့ရာမှ ယခုအခါ တစ်နေ့လျှင် ၁၀ စီးအထိ ထုတ်လုပ်ရောင်းချပေးနေပြီး အစီး ၃၀ အထိ ထပ်မံတိုးမြှင့်ထုတ်လုပ်ပေးနိုင်ရေး စီစဉ်နေကြောင်း သိရသည်။
“ပြည်သူ့လွှတ်တော်ကိုယ်စားလှယ်တွေအနက် ပြည်ထောင်စုအဆင့် အဖွဲ့အစည်းမှာ နေရာမရတဲ့ လူတော်တော်များများ ရှိပါတယ်။ အဲဒီလူတွေအနေနဲ့ ခရီးသွားတဲ့အခါ သက်သောင့်သက်သာရှိနိုင်ရေးအတွက် ဒီကားလေးတွေကို တီထွင်ထုတ်လုပ်ပြီး ရောင်းချနိုင်အောင် စီစဉ်ဆောင်ရွက်ခြင်း ဖြစ်ပါတယ်”ဟု ပြည်ထောင်စုဝန်ကြီးက ပြောသည်။
Ref : The Flower News
No comments:
Post a Comment