တရားမဝင် အလုပ်သမားတွေ မှတ်ပုံတင်ဖို့ ထိုင်းအစိုးရ နှိုးဆော်
2011-05-14
မြန်မာ၊ လာအိုနဲ့ ကမ္ဘောဒီးယား နိုင်ငံသား တရားမဝင် ရွှေ့ပြောင်း အလုပ်သမားတွေ အနေနဲ့ ထိုင်းနိုင်ငံ မှာ မှတ်ပုံတင်ကြဖို့ နောက်ဆုံး အခွင့်အရေး ပေးတဲ့အနေနဲ့ နှိုးဆော်လိုက်ပြီး တကယ်လို့ တရားမဝင် ဆက်ပြီး အလုပ်လုပ်နေမယ် ဆိုရင် မကြာခင်မှာ ဖမ်းဆီးပြန်ပို့ခံရမှာဖြစ်ကြောင်း ထိုင်းအစိုးရက သတိပေးလိုက်ပါတယ်။
ထိုင်းနိုင်ငံတွင် အလုပ်လုပ်မည့် မြန်မာနိုင်ငံမှ အလုပ်သမားများ နယ်စပ်ဂိတ်တွင် စောင့်ဆိုင်းနေပုံ ဖြစ်ပါသည်။ မြန်မာ အလုပ်သမား အများစုသည် တရားဝင် စာရွက်စာတမ်းမရှိပဲ ထိုင်းနိုင်ငံထဲတွင် နေထိုင် အလုပ်လုပ်နေကြသည်။ (Photo: AFP)
မှတ်ပုံတင်တဲ့ လုပ်ဆောင်ချက် မပြီးသေးဘူးဆိုရင် နောက်ထပ် ရက် (၃ဝ) တိုးပေးမယ်လို့ ဆိုပါတယ်။ မှတ်ပုံ မတင်သူတွေကို အဲဒီရက်နောက်ပိုင်းမှာ တင်းတင်းကြပ်ကြပ် စောင့်ကြည့် ရှာဖွေသွားမယ်လို့လည်း ပြောပါတယ်။
မှတ်ပုံတင်သူတွေ အနေနဲ့ ထိုင်းဘတ်ငွေ ၃၈၈ဝ ကုန်ကျမှာဖြစ်ပြီး အဲဒီထဲမှာ အလုပ်သမား မှတ်ပုံတင်ကြေး အတွက် ၁၉ဝဝ၊ ကျန်းမာရေး စစ်ဆေးခ ၆ဝဝ နဲ့ ကျန်းမာရေးအာမခံ ၁၃ဝဝ ပါဝင်တယ်လို့ သိရပါတယ်။
ထိုင်းနိုင်ငံတွင်းက တရားမဝင် အလုပ်သမားတွေကို အခွင့်အရေးတရပ် ပေးတဲ့အနေနဲ့ မှတ်ပုံတင်ခိုင်းဖို့ ဧပြီလ (၂၆) ရက်နေ့က ထိုင်းအစိုးရအဖွဲ့ အစည်းအဝေးမှာ ဆုံးဖြတ်ခဲ့တာ ဖြစ်ပါတယ်။ ထိုင်းနိုင်ငံမှာ မြန်မာ၊ လာအို နဲ့ ကမ္ဘောဒီးယား နိုင်ငံတွေကနေ လာရောက် အလုပ်လုပ်ကိုင်တဲ့ တရားမဝင် အလုပ်သမား ၂ သန်းနီးပါး ရှိတယ်လို့ ထိုင်းအစိုးရက ပြောပါတယ်။
No comments:
Post a Comment