.comment-form{ margin-right: auto; margin-left: auto; }

အကြို့်များသောပိုစ်များ

Sunday, June 26, 2011

အမျိုးသား ညီညွတ်ရေး

0
ဇန်န၀ါရီလ ၁၇ ရက်နေ့က စတင်ကျင်းပသော ( ဖ-ဆ-ပ-လ ) ပြည်လုံးကျွတ် ညီလာခံ သဘင်ကြီးသို့ မြန်မာတပြည်လုံးမှ လူထုကိုယ်စာလှယ်များနှင့် ပရိသတ်ပေါင်း နှစ်သိန်းကျော်တက်ရောက်ကြ၏ ။ ယင်းလူထုညီလာခံတွင် ၂၃-၁-၄၆ နေ့၌ ဗိုလ်ချုပ်အောင်ဆန်းက ညီညွတ်ရေးအဆိုကို အကျယ်တ၀င့် ရှင်းလင်း တင်သွင်းခဲ့လေသည် ။ အဆိုတင်သွင်းရာတွင် ဗိုလ်ချုပ်အောင်ဆန်းက အောက်ပါအတိုင်းပြောသွားခဲ့သည်။
ခုနက ပြည်သူ့ရဲဘော် တပ်အဖွဲ့အဆိုနှင့် ပတ်သက်ပြီးတော့ ကျွန်တော်တို့ ဆုံးဖြတ်ချက်ချတဲ့ အနက်မယ် အချက်လေးချက်ပါတယ်။
ကျွန်တော်တို့က ဒီမှာ ဟိုတုန်းက မဟာမိတ် စစ်သေနာပတိချုပ် လော့(ဒ်)လူဝီမောင့်ဘက်တန်နဲ့ ကျွန်တော်တို့ သဘောတူညီချက်အရ ပြန်လည်ဖွဲ့စည်း တည်ထောင်တဲ့ မြန်မာတပ်မတော်ဆိုတာထဲကို ပါဝင်နိုင်မဲ့ ရဲဘော်တိုင်းပါဝင်ဖို့။ ဘာဖြစ်လို့ ပါရမလဲ ဆိုတာက ဗမာပြည်ရဲ့ အကျိုးကို သည်ပိုးရာ ရောက်တယ်လို့ ယူဆလို့ဖြစ်တယ်။ ခုတော့ တချို့က ထုံးစံအတိုင်း ( အစကတည်းက ဒါတွေကို ကြိုတင်ပြီး မြင်ထားပါတယ် ) ။ စကတည်းကလဲ ပြောတန်သလောက် ပြောထားပါတယ်။ မလွတ်လပ်တဲ့ အခြေအနေမှာတော့ ရတဲ့တပ်မတော်ရဲ့ အဆင့်အတန်းဟာ မလွတ်လပ်တဲ့ တိုင်းပြည်ရဲ့ အဆင့်အတန်း ၊ လွတ်လပ်တဲ့ လူမျိုးရဲ့ အဆင့်အတန်းမျိုးတော့ မျှော်လင့်လို့ မဖြစ်နိုင်သေးဘူး ။ အနည်းအကျဉ်းအားဖြင့် ဖြစ်စေ ၊ အများအားဖြင့် ဖြစ်စေ နစ်နာချက်တွေ သဘောမကျစရာတွေ ရှိတန်သလောက်ရှိမယ်။ သို့ပေမဲ့ ခုတည်းကနေပြီးအခြေစပြီး ပျိုးထားမှ တိုင်းပြည်ရဲ့ အကျိုးကိုဆောင်ရွက်နိုင်မယ်။
ဒါကြောင့်မို့လို့ မင်းတို့ဝင်ကြပါလို့။ အစတည်းက ရဲဘော်တွေကိုပြောထားတယ်။ အဲဒီလို ပြောထားပေမယ့်လို့ကာ နည်းနည်းပါးပါး အောက်ပိုင်းက နည်းနည်းပါးပါး ပုလိပ်ဘက်ကဖြစ်စေ၊ အစိုးရ အရာရှိပိုင်းက ဖြစ်စေ ၊ နောက်ပြီးတော့ အောက်လက်ငယ်သားကဖြစ်စေ အစရှိသည်အားဖြင့် အနှောက်အယှက် ပေးတာတွေရှိတယ်။ ခုနလို အဖမ်းအဆီး ခံရတာရှိတယ်။ ခုနလို ဖမ်းတာဆီးတာ ကျွန်တော်တို့ သိတာလဲရှိတယ် ၊ မသိတာလဲရှိတယ် ။ သိတဲ့ကိစ္စဆိုယင်
ကျွန်တော်တို့တတ်နိုင်သမျှ ဆောင်ရွက်တယ် ။ အဲဒီလိုဆောင်ရွက်လို့ လွတ်တာလဲရှိတယ် ။ မလွတ်တာလဲ ရှိတယ်။ အဲတာမျိုးတွေ နည်းနည်းပါးပါးရှိတယ် ။ တချို့က စိတ်ပျက်ပြီး မ၀င်ချင်ကြဘဲ ဖြစ်နေတဲ့ စိတ်မျိုးဖြစ်နေတယ်။ အဲဒီလို မ၀င်ချင်တဲ့ စိတ်မျိုး မဖြစ်ဘဲနဲ့ ( အမှန်စင်စစ် တိုင်းပြည်ရဲ့ လွတ်လပ်ရေးကိစ္စဆိုတာ ကျွန်တော်တို့ ခဏခဏ ပြောနေကြတဲ့ အတိုင်းအခက်အခဲတွေ အများကြီးရှိတယ် ။ အနှောက်အယှက်တွေ အများကြီးရှိတယ် ) ။ ဒါတွေကို ကျော်လွန်ပြီး လုပ်ရမယ် ။ ခုတမုဟုတ်ခြင်း ဖြစ်နေတဲ့ အခက်အခဲ အနှောက်အယှက်တွေကို ကျွန်တော်တို့ သိပ်ပြီး အရေး ဂရုမပြုဘဲ တပ်ထဲဝင်နိုင်တဲ့ လူတွေအားလုံးဝင်ကြပါ ။ ကျန်တဲ့ မ၀င်နိုင်တဲ့ ရဲဘော်ဟောင်းတွေကို ထောက်ပံ့ဖို့ ကိစ္စတွေကို ကျွန်တော်တို့ပြည်သူ့လွတ်လပ်ရေးအဖွဲ့ချုပ်ကြီးနဲ့ တိုင်းပြည်ကပါ ၀ိုင်းဝန်းပြီးအားပေးမဲ့အကြောင်း။နောက်ပြီးတော့ကာ ဒီလိုတိုင်းပြည်ရဲ့လွတ်လပ်ရေး၊ ကမ္ဘာရဲ့လွတ်လပ်ရေးအတွက် ရဲဘော်-ရဲခေါင်ပြောက်ကျားတွေ ဆောင်ရွက်ခဲ့တဲ့ ပုဂ္ဂိုလ်တွေကို ချီးကျူးတဲ့ အကြောင်း ။ နောက်ပြီးတော့ကာ ဒီလိုဆောင်ရွက်ခဲ့တဲ့ ပုဂ္ဂိုလ်တွေကို လေးစားတဲ့သဘောအားဖြင့် ကျွန်တော်တို့ တိုင်းသူပြည်သားတွေက သော်လည်းကောင်း ၊ တိုင်းသူပြည်သားတွေရဲ့ ကိုယ်စာလှယ် အဖွဲ့ကြီးဖြစ်နေတဲ့ ပြည်သူ့လွတ်လပ်ရေး အဖွဲ့ချုပ်ကြီးကသော်လည်းကောင်း ကျွန်တော်တို့ဟာ တိုင်းပြည်နဲ့ လူထုလွတ်လပ်ရေးကို အမြဲတမ်း သစ္စာမဖောက်ဘဲ လုပ်ပါမယ်ဆိုတဲ့ အကြောင်း ပဋိညာဉ် ကတိပေးထားပါတယ်။
အဲဒီလို ပဋိညာဉ်ပေးထားတဲ့အတိုင်းခုဒီညီညွတ်ရေး အဆိုကို တင်သွင်းရခြင်း ဖြစ်ပါတယ်။ ဘာဖြစ်လို့လဲဆိုတော့ကာ လွတ်လပ်ရေး လုပ်တဲ့ကိစ္စမှာ တတိုင်းတပြည်လုံး သွေးစည်းပြီး စည်းစည်းလုံးလုံး အလုပ်လုပ်မှ ဖြစ်နိုင်မှာမို့ပဲ ၊ ဒီလိုမလုပ်ယင် ညီညွတ်ရေး မရဘူးဆိုလို့ရှိယင် တိုင်းပြည်နှင့် လူမျိုး လွတ်လပ်ရေးဟာ ကျကျနန မဖြစ်နိုင်ဘူး ၊ မဖြစ်နိုင်လို့ရှိယင် ညီညွတ်ရေးကို ပျက်စီးရာ ပျက်စီးကြောင်း လုပ်တဲ့လူတွေ ကျွန်တော်တို့ ကိုယ်တိုင်က ညီညွတ်ရေးကို ဖြစ်မြောက်အောင် တတ်နိုင်သမျှ ရွက်ဆောင်ခြင်း ခုနတိုင်းပြည်အတွက် ၊ လူမျိုးအတွက် အင်မတန် အသက်စွန့်စားပြီး လုပ်ကိုင် ဆောင်ရွက်သွားကြတဲ့ လူတွေကို သစ္စာဖောက်ရာ မလေးစားရာ ကျမှာမို့လို့ ဒီညီညွတ်ရေး အဆိုကို ကျွန်တော်တင်သွင်းခြင်း ဖြစ်ပါတယ်။
“ မြန်မာပြည်သည် အာဏာပိုင်များ တိုင်းပြုပြည်ပြု လွှတ်တော်ကြီးခေါ်၍ ကိုယ်ပိုင်ပြဋ္ဌာန်းနိုင်ခွင့်ရှိသော အခြေအနေသို့ ဆိုက်ရောက်အောင် ( ၀ါ ) လွတ်လပ်ရေးရအောင် အလိုဆုံးသောအရာမှာ ညီညွတ်ရေးပင်ဖြစ်ကြောင်း ၊ ညီညွတ်ရေးသည် တူညီသော အကျိုး ၊ တူညီသော အလုပ်နှင့် တူညီသော ရည်ရွယ်ချက်တို့တွင် အခြေပြုရမည်ဖြစ်ကြောင်း ”
ခုနေအခါမယ် ဗမာပြည်ဟာ ဘာအလိုဆုံးလဲ ဆိုလိုရှိယင် ညီညွတ်ရေးလိုတယ် ။ ဘာကြောင့် ညီညွတ်ရေးလိုသလဲ ။ ကျွန်တော်တို့ ဗမာပြည်ဟာ အာဏာပိုင် တိုင်းပြုပြည်ပြုလွတ်တော်ကြီး ခေါ်၍ ကိုယ်ပိုင်ပြဋ္ဌာန်းနိုင်ခွင့်ရှိသော အခြေအနေမျိုး ဆိုက်ရောက်အောင် ( ၀ါ ) လွတ်လပ်ရေး ရအောင် ကျွန်တော်တို့ ဗမာပြည်သူပြည်သားတွေဟာ လွတ်လပ်ရေးရအောင် ဆောင်ရွက်ဖို့လိုပါတယ်။ လွတ်လပ်ရေးဆိုတော့ကာ ကျွန်တော်တို့ လွတ်လပ်တဲ့ နိုင်ငံတည်ထောင်မယ်ဆိုယင် တိုင်းပြုပြည်ပြုလွှတ်တော်ကြီးကို တည်ထောင်ရမယ် ။ အဲဒီတိုင်းပြုပြည်ပြုလွှတ်တော်ကြီးက လွတ်လပ်တဲ့ တိုင်းနိုင်ငံ တည်ထောင်တဲ့ အခါကျယင် ဖွဲ့စည်းပုံဥပဒေ အစီအစဉ်တွေ စီမံရမယ်။ ဒီတိုင်းပြည်ကြီးကို ဘာစနစ်နဲ့ အုပ်ချုပ်မလဲ သမ္မတစနစ်နဲ့ အုပ်ချုပ်မလား ။ ဘယ်စနစ်နဲ့ အုပ်ချုပ်မလဲ ။ ဘယ်လိုတိုင်းပြည်မျိုး ထူထောင်မလဲ ။ ဘယ်လို လုပ်ရမလဲဆိုတာ စီစဉ်ရမယ် ။ အဲဒီလို စီစဉ်ပြီးတဲ့ အခါကျတော့မှ လွတ်လပ်ရေး လုပ်ငန်းဟာ ပေါ်ပေါက်လာမယ်။
ဂျပန်လက်ထက်တုန်းကဆိုယင် လွတ်လပ်ရေး စီစဉ်မှုအဖွဲ့ဆိုတာ လူမသိ ဘာမသိ တိတ်တိတ်ပုန်း လုပ်လိုက်ပြီး နောက်ဆုံး အချုပ်အချာ အာဏာနဲ့ ပြည်စုံတဲ့ နိုင်ငံဆိုပြီးတော့ လုပ်လိုက်တယ်။ အဲဒီပုံမျိုးဟာ ကျွန်တော်တို့ မလိုချင်ဘူး ။ ရှေ့အခါက ကျွန်တော်တို့လိုချင်တာက အာဏာပိုင် တိုင်းပြုပြည်ပြု လွှတ်တော်မျိုး ၊ တတိုင်းတပြည်လုံးက တင်မြှောက်လိုက်တဲ့ လွှတ်တော်၊ အကုန်လုံး ယောင်္ကျားတိုင်း ၊ မိန်းမတိုင်း အရွယ်ရောက်သူတိုင်း မှန်သမျှ မဲပေးနိုင်ပြီးတော့ အဲဒီလူတွေက လွတ်လပ်တဲ့ နိုင်ငံသစ်ကြီး ထူထောင်ဖို့ အာဏာပေးလိုက်တဲ့ အာဏာပိုင် တိုင်းပြုနိုင်ငံပြု လွှတ်တော်ရအောင် ကျွန်တော်တို့က ဘာလုပ်ရမလဲဆိုယင် ညီညွတ်ရမယ် ၊ မညီညွတ်ယင် မရဘူးလား ဆိုတော့ အင်မတန်ကြာမယ် ။ ခရီးရှည်မယ် ။ ဒီတော့ကာ ညီညွတ်ရေးဟာ အင်္ဂလိပ်လို ပြောရမယ်ဆိုတော့ ( Historical necessity ) အချိန်အခါအလိုက် ဒီတိုင်းပြည် ဒီလူမျိုးရဲ့ အကျိုးကို အကြီးဆုံးဆောင်ရွက် နိုင်မဲ့ လက်နက်ကြီး ဖြစ်နေတယ် ။ အဲဒီတော့ ညီညွတ်ရေးမျိုးရအောင် လုပ်ရမယ်။
“ ညီညွတ်ရေးအတွက် ပစ္စည်းမဲ့ အလုပ်သမား လူတန်းစားသည် တူညီသော အလုပ်နှင့် တူညီသော ရည်ရွယ်ချက်တို့တွင် အခြေပြုကာ အလုပ်သမားများအဖွဲ့များဖွဲ့ခိုင်း၍ ခိုင်မြဲသော ညီညွတ်ရေးကို တည်ထောင်ရန် ဗမာပြည်တွင် အလုပ်သမားတို့အတွက် အစည်းအရုံးတခုသာရှိရန်နှင့် အလုပ်သမားတိုင်း ညီညွတ်ရန်လိုပေကြောင်း ” ။
ညီညွတ်ရေးဆိုတာ ဘာလဲ နားလည်ဘို့လိုတယ် ။ ဒီတော့ကာ ဒီအပိုဒ် ဒီဝါကျမှာ ညီညွတ်ရေးဆိုတဲ့ အကြောင်းကို သရုပ်ဖော်ပြထားတယ် ။ တူညီသော အကျိုး ၊ တူညီသော အလုပ် ၊ တူညီသော ရည်ရွယ်ချက် ရှိရမယ် ။ ကျွန်တော်တို့ ညီညွတ်ရေးဆိုတာ ဘာအတွက် ညီညွတ်ရမှာလဲ ။ ဘယ်လို ရည်ရွယ်ချက်နဲ့ ညီညွတ်ရမှာလဲ ။ ရည်ရွယ်ချက်ဆိုတာရှိရမယ် ။ ညီညွတ်ရေးဆိုတာက ဘာအတွက် ညီညွတ်ရမှာလဲ ။ ရာထူးယူဖို့ ညီညွတ်ရမှာလား ။ ဒါမှ မဟုတ်ယင် ဒီတိုင်းပြည်ရဲ့ တိုင်းသူပြည်သားတွေကို နှိပ်စက်ဖို့ ညီညွတ်ရမှာလား ။ဘာအတွက် ညီညွတ်ရမှာလဲ ။ အဲဒီတော့ကာ ကျွန်တော်လိုချင်တဲ့ ညီညွတ်ရေးက တတိုင်းတပြည်လုံး လူမျိုးတမျိုးလုံးရဲ့ လွတ်လပ်ရေး ။ လူမျိုးတမျိုးလုံးရဲ့ အကျိုး ။ အဲဒီလိုတူညီတဲ့ ရည်ရွယ်ချက် ။ တူညီတဲ့အကျိုး ။ တူညီတဲ့ အလုပ် ။ ဒါတွေရအောင် အဲဒီလို တူညီတဲ့အကျိုး ။ တိုင်းသူပြည်သားတွေ ရအောင် တူညီတဲ့ အလုပ်လုပ်တဲ့ ညီညွတ်ရေးမျိုး ဖြစ်ရမယ် ။ ပါးစပ်ကပြောရုံနဲ့ မပြီးဘူး ။ ပါစပ်က ညီညွတ်ချင်ပါတယ် ပြောလို့မဖြစ်ဘူး ။ အလုပ်မှာလဲတူရမယ်။ အကျိုးမှာလဲတူရမယ်။ ရည်ရွယ်ချက်မှာလဲ တူရမယ် ။ အဲဒါမျိုးကိုမှ ညီညွတ်ရေးလို့ခေါ်ထိုက်တယ်။ အဲဒီတော့ကာ ညီညွတ်ရေး အဆိုကို ဒီဝါကျမှာ ဖေါ်ပြထားတယ် ။ နောက်ပြီးတော့ကာ အသေးစိတ်ထပ်ပြီးဖေါ်ပြထားတယ်။ ဘယ်လိုဖေါ်ပြထားသလဲဆိုတော့ ….
“ လယ်သီးစား လယ်ကူလီနှင့် လယ်ယာမြေဧကအထိုက်အလျောက် ပိုင်ဆိုင်လုပ်ကိုင်သော တောင်သူလယ်သမား အားလုံးတို့သည် တူညီသော အကျိုး ၊ တူညီသောအလုပ်နှင့် တူညီသော ရည်ရွယ်ချက်များတွင် အခြေပြုကာ လယ်သမားအဖွဲ့များကို တည်ထောင်ကြရန် ဗမာပြည်တွင် တောင်သူလယ်သမားတို့အတွက် တခုတည်းသောအစည်းအရုံးကို တည်ဆောက်ရန်နှင့် တောင်သူလယ်သမားတိုင်း ညီညွတ်ရန်လိုပေကြောင်း ။ ကိုယ်ပိုင်ပစ္စည်းဖြစ်အောင် မိမိခွန်အားကလွဲလို့ အလုပ်မလုပ်ယင် ငတ်မယ်ဆိုတဲ့ အခုအခါ ပစ္စည်းမဲ့ အလုပ်သမားဆိုယင် တူညီတဲ့ ရည်ရွယ်ချက် တူညီတဲ့အလုပ်ပေါ်မှာ အခြေပြုပြီးတော့ကာ အလုပ်သမား အဖွဲ့တဖွဲ့တည်ရှိရမယ် ။ အလုပ်သမားအချင်းချင်း ကွဲပြီးတော့ စင်ပြိုင်တွေ မရှိစေရဘူး ။ တဖွဲ့တည်းရှိပြီး အလုပ်သမားတွေ အချင်းချင်း ကိုယ်တိုင်ညီညွတ်ဘို့လိုတယ် ။ နောက်ပြီးတော့ကာ တောင်သူလယ်သမားတွေကလဲ အလုပ်သမားတွေရဲ့နည်းတူ တူညီတဲ့ ရည်ရွယ်ချက် ၊ တူညီတဲ့ အလုပ်နဲ့ တူညီတဲ့အကျိုး အခြေပြုပြီးတော့ကာ သူတို့အတွက်နဲ့ ဆိုင်တဲ့ တောင်သူလယ်သမား အဖွဲ့အစည်းကြီးတခုတည်းသာရှိပြီးတော့ လယ်သမားတွေက ညီညွတ်ဖို့လိုတယ် ၊ ထိုနည်းတူ ဈေးသည် ၊ ပွဲစား ၊ စာရေးစာချီ ၊ ပညာသည် ရှေ့နေစသည်တို့သည်လည်း ၊ ဆိုင်ရာ ဆိုင်ရာ သမ၀ါယမ အသင်းများနှင့် သမဂ္ဂများကို ဖွဲ့စည်း၍ ညီညွတ်ရေး တည်ဆောက်ကြရန် လိုပေကြောင်း ”
ဒါက ကျွန်တော်တို့ရွှေတိဂုံ စေတီတော်ကို တည်ဆောက်တဲ့ အခါ အုတ်မြစ် အဆင့်ဆင့်အားဖြင့် တည်ဆောက်သလိုဘဲ ၊ သူ့ဆိုင်ရာဆိုင်ရာ ဒီ့ပြင် လူပုဂ္ဂိုလ်တွေ တိုင်းသူပြည်သားတွေကလဲ ၊ မိမိတို့ ဆိုင်ရာဆိုင်ရာ အဖွဲ့တွေနဲ့ သမ၀ါယမအသင်းတွေထောင် ၊ ဘာတွေထောင် ။ ထောင်ပြီးတော့ကာ တူညီသော အကျိုး ၊ တူညီသော ရည်ရွယ်ချက် ၊ တူညီသော အလုပ်တွေကို လုပ်ဘို့ တညီတညွတ်တည်း လုပ်ဘို့လိုတယ် အားလုံး ညီညွတ်ဘို့လိုတယ် ။
“ ဗမာနိုင်ငံရှိ တိုင်းရင်းသာများသည်လည်း သက်ဆိုင်ရာ လူမျိုး အလိုက် တခုတည်းသော အစည်းအရုံးကို တည်ထောင်၍ ညီညွတ်ကြရန် လိုပေသည် ”
အဲဒီမှာလဲ တိုင်းရင်းသားတွေ ဖြစ်တဲ့ ကရင် – ရှမ်း – ကချင် အစရှိတဲ့ နယ်တွေကလဲ မိမိတို့ ဆိုင်ရာ တိုင်းရင်းသား အစည်းအရုံးတွေကို တခုစီ တခုစီ ရှိရမယ် ။ စင်ပြိုင်မရှိဘို့လဲ ဂရုစိုက်မယ် ၊ ကရင် အမျိုးသား အစည်းအရုံး ၊ ရှမ်းအမျိုးသားအစည်းအရုံး ၊ ကချင်အမျိုးသား အစည်းအရုံး တခုစီရှိဘို့လိုတယ် ။ အဲဒါတွေကို တည်ထောင်ပြီးတော့ကာ သူတို့အချင်းချင်း ညီညွတ်ရမယ် ။ သူများ မညီညွတ်ခင် ကိုယ့်အချင်းချင်းညီညွတ်ဘို့က ပထမဆုံး အရေးကြီးတယ် ။ ဥပမာဆိုရင် ခုနေအခါမယ် ကျွန်တော်တို့ နယ်ချဲ့စနစ် သမားတွေက ဒါတွေကို ခွဲဘို့လုပ်နေတယ် ။ ကရင်ဆိုယင် အစည်းအရုံးတခု ၊ ကချင်ဆိုယင်လဲ အစည်းအရုံးတခု ။ လယ်သမား အစည်းအရုံး ၊ အလုပ်သမားကလဲ ဒီအတိုင်းဘဲ ။ ဒါတွေ ကွဲအောင် ၊ ပြဲအောင် အမျိုးမျိုး ကြိုးစားကြမယ် ။ ဒီတော့ကို ဒီလိုမလုပ်နိုင်အောင် ပထမဆုံး ကိုယ့်ဆိုင်ရာ ဆိုင်ရာ အချင်းချင်းတွေက ညီညွတ်ဘို့လိုတယ် ။ နောက်ပြီးတော့ကာ နိုင်ငံရေး ပါတီတို့သည်လည်း လုပ်ငန်း လုပ်နည်းနှင့် ၀ါဒတူသော ပါတီအချင်းချင်း ပူးပေါင်းခြင့်ဖြင့် ပိုမိုခိုင်မြဲအောင် တည်ဆောက်ရန် လိုအပ်ပေကြောင်း ။ ပါတီတွေဆိုတာကလဲ ကျွန်တော်တို့ ဗမာပြည်မှာ “ ဂျီ စီ ဘီ အေ ” ခေတ်လို မဟုတ်ဘူး ။ ဟိုတုန်းက နိုင်ငံရေးပါတီဆိုတာ မရှိဘူး ။ ခုတော့ ရှိနေကြတယ် ။ လက်ငုတ်လက်စတွေ ကျန်နေတော့ အစမသိမ်းနိုင်လို့ရှိယင် ကျွန်တော်တို့ဟာ ဒီဟာတွေကို စနစ်တကျဖြစ်တဲ့ ညီညွတ်ရေးကို ရှေးရှုပြီး အလုပ်လုပ်နိုင်အောင် စီမံပေးဘို့ အတွက်လိုတယ် ။
ဒီတော့ကာ နိုင်ငံရေးပါတီဆိုတဲ့ သဘောကို သေသေချာချာ နားလည်ဘို့လိုတယ် ။ ကျွန်တော်တို့ ဗမာပြည်မှာ အရင်တုန်းက ရှိတဲ့ နိုင်ငံရေး ပါတီတွေကို သေသေချာချာ စမ်းစစ်ကြည့်မယ်ဆိုယင် ။ ဘယ်သူ့ကိုမှ ပုတ်ခတ်လိုတဲ့ သဘောမျိုး မဟုတ်ဘဲနဲ့ ပြောရယင် အမှန်စင်စစ် ပါတီသဘောရယ်လို သိပ်မခေါ်နိုင်တော့ဘူး ။ နိုင်ငံရေးစကား ပြောမယ်ဆိုလိုရှိယင် ( Persona Groups ) တွေဘဲ ၊ ဘာမှ စနစ်တကျနှင့် ဖွဲ့စည်းထားတာ မဟုတ်ဘူး ။
အမှန်ကတော့ ပါတီဆိုတဲ့ သဘောမျိုးကို တခြားနိုင်ငံတွေက ဖြစ်တာတွေကို လိုက်ကြမယ်ဆိုယင် ၊ နိုင်ငံရေး သဘောတရားအတိုင်း လိုက်ကြည့်မယ် ဆိုလို့ရှိယင် ကျွန်တော်တို့ ဥပမာ – ဘိလပ်မှာ လေဘာပါတီဆိုတာ ရှိတယ် ။ လေဘာပါတီက ဘယ်သူ့အကျိုးကို အဓိကထားပြီး လုပ်ထားသလဲဆိုလိုရှိယင် အလုပ်သမားတွေရဲ့ အကျိုးကို ပိုပြီးဆောင်ရွက်တယ် ။ တိုင်းသူပြည်သားတွေရဲ့ အကျိုးကို မဆောင်ရွက်ဘူးလားဆိုတော့ ဆောင်တော့ဆောင်ရွက်တယ် ။ ဆောင်ရွက်ပေမယ်လို့ ၊ ဘယ်လိုအမြင်မျိုးနဲ့ ကြည့်သလဲဆိုယင် အလုပ်သမား အတန်းအစားမြင်တဲ့ အမြင်မျိုးနဲ့ ဆောင်ရွက်တယ် ။ ကွန်ဆာဗေးတစ်ပါတီ ။ အဲဒီပါတီက ဆိုလို့ရှိယင် သူတို့အင်မတန်ရှေးကျတဲ့ အယူဝါဒတွေကို ယူပြီးတော့ ၊ ဘယ်နေရာမဆို နိုင်ငံရေးဖြစ်ဖြစ် လက်အောက်ခံတိုင်း နိုင်ငံတွေနဲ့ဖြစ်ဖြစ် ၊ တခြားနိုင်ငံတွေနဲ့ ဆက်ဆံရေးဖြစ်ဖြစ် ၊ အင်မတန်ခေတ်နောက်ကျပြီးတော့ကာ နောက်ပြန်ဆွဲတဲ့ အယူဝါဒတွေများတယ်
ဒီလိုအဖွဲ့မျိုးတွေ အထဲမှာ ဘယ်သူတွေပါသလဲဆိုတော့ကာ စက်ပိုင်ကြီးတွေ ၊ အရင်းရှင်ကြီးတွေ ၊ လယ်ပိုင်ရှင်ကြီးတွေ ။ ဒီလိုဟာမျိုးတွေပါတယ် ။ နောက်တော့ ဒီလို အလုပ်သမားနဲ့ အဖွဲ့မျိုးကြားမယ် အလယ်အလတ် မဇ္ဈိမပဋိပဒါဆိုတဲ့ စကားအတိုင်းဆိုပါတော့ ( သိပ်တော့ မှန်လှတဲ့ စကား မဟုတ်ဘူး ) အဲဒီလို လူတွေက လစ်ဘရယ်ပါတီဆိုပြီး ဖွဲ့ထားတယ် ။ ဥပမာ အမေရိကန်ပြည်မှာ ကြည့်မယ်ဆိုလိုရှိယင် ၊ ဒီမိုကရက်နဲ့ ရီပတ်ပလစ်ကင် ပါတီလို့ခွဲထားတာရှိတယ် ။ လုပ်ငန်းစဉ်နဲ့ ကြည့်မယ် ဆိုယင် ၊ တူတာတွေ ရှိတဲ့ အခါရှိတယ် ၊ ဒါပေမဲ့လို့ တကယ်သူတို့မှာ ကျောထောက်နောက်ခံ ဖြစ်နေတဲ့ လူတတွေ ကိုကြည့်ယင် အဲဒီလူတွေရဲ့ သဘောကို မှီလို့လဲ ဖြစ်တယ်။ အလုပ်မှာကြည့်လိုက်မယ်ဆိုယင် ဒီပါတီတွေဟာ သူတို့ လူစုတစုရဲ့ အကျိုးကို ပထမ ရှေးဦးစွာ ကြည့်ပြီး အလုပ်လုပ်နေတဲ့ အဖွဲ့ဖြစ်တယ် ။ ဒီလို လုပ်တဲ့ အခါကျတော့ ၊ လူတဦး တယောက်အတွက်ကို ရည်ရွယ်တာ မဟုတ်ဘူး ။ ဥပမာ ကျွန်တော်တို့ တိုင်းပြည်က နာမည်တပ်ပြီးတော့ ၊ ဦးဖြူ – ဦးမဲ အဖွဲ့ ဘယ်သူ့အဖွဲ့ရယ်လို့ရှိတယ် ။ ဟိုတိုင်းပြည်မှာတော့ ၊ ဒီမှာလို ဦးဖြူ – ဦးမဲ အဖွဲ့ မရှိဘူး ။ အမေရိကန် ပြည်မှာဆိုယင် ၊ ဒီမိုကရက်တစ်ပါတီ ၊ အင်္ဂလိပ်ပြည်မှာ ကွန်ဆာဗေးတစ်ပါတီ ၊ လစ်ဘရယ်ပါတီ ၊ လေဘာပါတီ ၊ အဲဒါမျိုးဟာ ဘာလဲ ဆိုယင် ပုဂ္ဂိုလ်စွဲ အဖွဲ့တွေမဟုတ်ဘူး ၊ ဒီအဖွဲ့တွေမှာ ၊ ရာသက်ပန် ခေါင်းဆောင် မရှိဘူး ၊ ပါတီဆိုတာကသာ အမြဲတမ်းတည်နေတယ် ။ အဲဒီပါတီဆိုတာစာ သူတို့ ဆိုင်ရာလူတွေရဲ့ အကျိုးကို အဓိကထားပြီး တည်ဆောက်ထားတယ် ။ ဗမာပြည်မှာတော့ ဒီလိုမဟုတ်ဘူး ။ နောက်ဆုံးတနေ့မှာ တမျိုး ၊ ကျွန်တော်တို့ဗမာပြည်မှာ သေသွားတဲ့ နိုင်ငံခေါင်းဆောင်တချို့ သေသွားပေမယ်လို့ ၊ အဲဒီ သေသွားတဲ့ ခေါင်းဆောင် ၊ သေသွားတဲ့ ဆရာတော်ရဲ့ နာမည်ကို ယူပြီး အခုထက်ထိ ၊ ဒီနာမည် အစွဲပြုပြီးခေါ် တုန်းရှိသေးတယ် ။
ဗမာပြည် မှာ အဲဒီထိအောင် လွဲနေသေးတယ် ။ အရင်တုံးက နည်းနည်းပါးပါး နာမည်ရဘူးတဲ့ လူတွေရဲ့နာမည် ကို အသုံးပြုချင်တယ် ။ အမှန်စင်စစ်ကတော့ ပါတီသဘောမျိုး သက်ဝင်တဲ့ အဖွဲ့မျိုး မဟုတ်ဘူး ၊ လူလဲ မရှိဘူး ၊ ဆိုင်းဘုတ်ဘဲ ရှိတယ် ။ နောက်ပြီးတော့ကာ အဲဒါမျိုးတွေရှိတယ် ။ သေသွားတဲ့ ကရင် အမျိုးသားတစ်ယောက်ရဲ့ နာမည်ကို အစွဲပြုပြီးတော့ ဒီလူရဲ့ အဖွဲ့ဆိုပြီး ဖွဲ့ထားတယ် ။ ဒီတော့ ဘယ်နဲ့ဖြစ်နေသလဲ ဆိုတော့ ၊ ဒါတွေက သက်သက်နိုင်ငံရေး သဘောတရားဘာမှ မပါတဲ့ အဖွဲ့မျိုးတွေဖြစ်နေတယ် ။ ကျွန်တော်တို့က ဗမာပြည်မှာ ဘယ်လို ဖြစ်စေချင်သလဲ ဆိုလို့ရှိယင် အစွဲရှိနေတဲ့ အဖွဲ့တွေဟာ လက်ငင်း မဖျက်နိုင်လိုရှိယင် ( နောက်မှ ကျွန်တော်ပြောပြမယ် ) ။
ကျွန်တော်တို့ ဘယ်လို တည်ဆောက်ရမယ် ဆိုလိုရှိယင် ကမ္ဘာ့နိုင်ငံရေး အဆင့်အတန်းနှင့် လိုက်လျောညီစွာ ဗမာပြည်မှာ ရှိတဲ့ နိုင်ငံရေး အဆင့်အတန်းကို မြင့်တင်တဲ့ အနေမျိုးဖြစ်အောင် သူ့ဆိုင်ရာ ဆိုင်ရာ အကျိုးနဲ့ ၊ လုပ်ငန်းရဲ့ သဘောနဲ့ ၊ ရည်ရွယ်ချက်နဲ့ ဒီလိုရှိပြီးတော့ကာ စနစ်တကျ တည်ထောင်ဖွဲ့စည်းဖို့လိုတယ် ။ အဲဒီလိုဖွဲ့စည်းတဲ့ အခါမှာ မှိုလိုပေါက်တဲ့ အဖွဲ့မျိုးများများ မရှိဘဲ ကိုယ့်အချင်းချင်း စုစုသွားလို့ရှိယင် ၊ ဘာဖြစ်သွားမလဲဆိုယင် တဖြေးဖြေး ပါတီတွေဟာနည်းပါးလာမယ် ။ နောက်ဆုံးကျတော့ တခုတည်းသော အဖွဲ့အဖြစ်ကို ရောက်အောင် လုပ်ရမယ် ၊ ဒီလို လုပ်တဲ့အခါမှာ ကျွန်တော်တို့က ပါတီသဘောမျိုး နားလည်ပြီးတော့ နိုင်ငံရေး ပါတီတွေကို တည်ထောင်ဖို့ လိုတယ် ။ ဒီတော့ကာ ပါတီတွေ အကြောင်းကျွန်တော် မပြောသေးခင် ခုနက ဖွဲ့တဲ့ အလုပ်သမားအဖွဲ့တွေ ၊ လယ်သမား အဖွဲ့တွေ ၊ သမ၀ါယာမ အဖွဲ့တွေ ဘာကြောင့် တည်ထောင်ရမလဲဆိုတာ နဲနဲပြောပြပါ့မယ် ။ ဒီဟာတွေက ကျွန်တော်တို့ ရှေးတုန်းက ညီညွတ်ရေး ဆိုပြီးလုပ်ခဲ့တဲ့ အဖွဲ့အစည်းတွေ အမြောက်အများလုပ်ခဲ့တယ် ။ နောက်ပျက်စီးသွားကြတယ် ။ ဘာကြောင့်ပျက်စီးသွားသလဲ ဆိုလို့ရှိယင် ၊ ကျွန်တော်တို့ လိုက်ပြီး စုံစမ်းကြည့်ယင် အကြောင်း အမျိုးမျိုးရှိတဲ့ အနက်က အဓိကအကြောင်းကြီးက ဘာလဲဆိုတော့ ဆိုင်ရာဆိုင်ရာလူတွေရဲ့ အကျိုးကို အမြဲတမ်းအားဖြင့် ဆောင်ရွက်နေတဲ့ အစည်းအရုံးမျိုး မဟုတ်ဘူး ။ ဆိုင်ရာ ဆိုင်ရာ လူတွေရဲ့ အကျိုးကို အမြဲတမ်း လုပ်မနေဘူး ။ မထားဘူး ၊ လူတွေအဘို့မှာ လွတ်လပ်ရေးဆိုတဲ့ စကားဟာ မြေမထိ မိုးမထိဖြစ်နေတယ်။
အဲဒီတော့ လေဖမ်းဝရမ်းချည်ဆိုတာလို ဖြစ်နေတယ် ။ လေဖမ်းဒါတွေနဲ့တူလို့ အကောင်အထည် မမြင်နိုင်ဘူး ။ အကောင်အထည်နဲ့ လွတ်လပ်ရေးဆိုတာ ၊ နိုင်ငံရေးဆိုတာ ထင်လာအောင် ၊ မြင်လာအောင် ဘယ်လို လုပ်ရမလဲ ၊ လယ်သမားဟာ သူနေ့တိုင်းတွေ့နေရတဲ့ ကိစ္စတွေကို ဆောင်ရွက်ပေးတဲ့ အဖွဲ့ရှိရမယ် ။ ဒီအဖွဲ့ရှိတဲ့ အခါကျတော့ ဒီအဖွဲ့ကြီးမှာ လယ်သမားတွေက အမြဲတမ်း အာရုံစိုက်ပြီးနေလိမ့်မယ် ။ ဘာဖြစ်လို့လဲ ဆိုလို့ရှိယင် သူတို့ အကျိုးကို ဆောင်ရွက်နေတဲ့ အဖွဲ့ကြီးဖြစ်တယ် ။ သူတို့ရဲ့ ပြဿနာတွေကို အမြဲတမ်းလုပ်နေတဲ့ အဖွဲ့ကြီးဖြစ်တယ် ။ သူတို့ရဲ့ စိတ်ဝင်စားမှုဟာလျှော့ပါး မသွားနိုင်ဘူး ။ အဲဒီလို မဟုတ်ဘဲနဲ့ မြေမထိ မိုးမထိ အဖွဲ့အစည်းတွေ ဖွဲ့ထားလို့ရှိယင် တိုင်းသူပြည်သားတွေက ခဏစိတ်ဓာတ်တက်တုန်း လိုက်ပါပြီးတော့ နောက်ဆုံး စိတ်မပါတဲ့ အခါကျတော့မှ အမြဲလူတွေရဲ့ စိတ်ဆိုတာ အမြဲတမ်းပါနေမှာ မဟုတ်ဘူး ။ အခုတခါ အစည်းအဝေးကြီးတွေလုပ်တယ် ။ သိပ်ပြီးတော့ စိတ်တက် သွားတယ် ။ တော်တော်ကြာ အိမ်ပြန်ရောက်သွားတော့ လူမှုဒုက္ခတွေတွေ့သွားတဲ့ အခါကျတော့ လူတွေဟာ စိတ်ဓာတ်ပျက်လာရော ၊ ဟိုသတင်းကြား ဒီသတင်းကြားဆိုယင် စိတ်ပျက် လာမယ် ။ ကိုယ့်ဝမ်းစာအတွက် လုပ်ကိုင်စားသောက်ရတဲ့ အတွက် နေ့စာနေ့ ၊ ညစာ ညကြောင့် မေ့ပျောက်ကုန်မယ် ။ အဲဒီလိုစိတ်ဓာတ်မျိုး မရောက်အောင် ဆိုင်ရာဆိုင်ရာလူတွေရဲ့ အကျိုး အမြဲကြည့်ပြီး လုပ်နေတဲ့ အဖွဲ့တွေအားဖြင့် ကျွန်တော်တို့က ထိန်းထားရမယ် ။ နိုင်ငံရေးဆိုတာ ခဏတဖြုတ်လုပ်တဲ့ ဟာမျိုးမဟုတ်ဘူး ။ အမြဲတမ်းလုပ်ရမယ် ။ အမြဲတမ်းရှိနေတယ် ။
နိုင်ငံရေးဆိုတာက တခါတရံမှ အစည်းအဝေးလုပ်ပြီးတော့ စင်မြင့်ပေါ်ကပြောတဲ့လူကပြော ၊ နားထောင်တဲ့လူက နားထောင်တဲ့ ကိစ္စမဟုတ်ဘူး ။ အမြဲတမ်းအားဖြင့် တတိုင်းပြည်လုံးမှာရှိတဲ့ တိုင်းသူပြည်သားတွေဟာ ၊ မိမိတို့ရဲ့ ဆိုင်ရာဆိုင်ရာ အကျိုးတွေကို ဆိုင်သလို ဖွဲ့စည်းပြီးတော့ကာ ၊ မိမိတို့ပြဿနာတွေကို လုပ်ပြီးတော့ကာ ဖြေရှင်းရန်အတွက် အမြဲတမ်းလုပ်နေတဲ့ကိစ္စ ၊ ဒီတော့ကာ အားလုံး လူတွေရဲ့ အကျိုးကိစ္စ ၊ လူတွေရဲ့ နိုင်ငံရေး ၊ ဒီတော့ အဲဒီလို ဖြစ်အောင် လုပ်နိုင်ဘို့ဆိုတော့ ဆိုင်ရာဆိုင်ရာ အဖွဲ့တွေက ကြည့်ပြီးထိန်းထားမှသာ လူတွေလဲ အမြဲတမ်း နိုင်ငံရေးမှာ စိတ်ပါဝင်စားပြီးတော့ တတိုင်းတပြည်လုံးပေါ်မှာရှိတဲ့ လူတွေဟာ နိုင်ငံရေး သမားဖြစ်လာအောင် ၊ နိုင်ငံရေး စိတ်ဝင်စားလာအောင် ဒီလိုအဖွဲ့တွေ ရှိရမယ် ။
ပါတီတွေနဲ့ပတ်သက်ပြီးတော့ ပြောရမယ်ဆိုတော့ကာ ဒီပါတီတွေကိုဖျက်ပစ်ယင် မကောင်းဘူးလားလို့ပြောစရာရှိတယ် ။ ဒီပါတီဆိုဒါက ခုနကပြောခဲ့တဲ့အတိုင်း ၊ ကျွန်တော် သရုပ်ဖေါ်ပြချက်အတိုင်း ၊ လူတစ်စုရဲ့အကျိုးကို အဓိကထားပြီးတော့ ဆောင်ရွက်တာ ဖြစ်တယ် ။ ဘာဖြစ်လို့ဆိုတော့ကာ ကျွန်တော်တို့ တိုင်ပြည်မှာ လူအမျိုးမျိုးရှိတယ် ။ အလုပ်သမားတွေရှိတယ်၊ လယ်သမားတွေရှိတယ် ၊ ဒီပြင်တခြားလူတွေရှိတယ် ၊ နောင်ပြီးတော့ အရင်းရှင်တွေ ဘာတွေညာတွေ အစရှိသဖြင့် ရှိတယ် ။ တိုင်ပြည်မှာဆိုယင် နယ်ချဲ့အရင်ရှင်သမားတွေရှိတယ်( ဥပမာ … စတီး ၊ ဘုံဘေဘာမား ၊ ဘီအိုစီ ) ဒီလူတွေဟာ တဦးနှင့် တဦး အကျိုးချင်း မတူညီကြဘူး ၊ အကျိုးမတူတာတွေကို အကျိုးတူတယ်လို့ သွားပြောယင် အလကားဘဲ ၊ အလုပ်သမားနှင့် အလုပ်ရှင်ဟာ အကျိုးချင်း နေရာတကာမှာ မတူဘူး ။ အလုပ်သမားက အလုပ်လခကို ပိုရချင်တယ် ။ အလုပ်ရှင်က ဘာကြည့်သလဲ ဆိုယင် များသောအားဖြင့် အလုပ်ရှင်က အလုပ်သမားတွေရဲ့ လိုလားချက်တို့ဘာတို့ ညာတို့ကို အလုပ်သမားတွေရဲ့ လခကို သိပ်မပေးချင်ဘူး ။ လျှော့တန်သလောက် လျှော့ပစ်ချင်တယ် ။ စောစောတုန်းက အလုပ်သမား သပိတ်တွေ သစ်စက်သပိတ်မှောက်တာနဲ့ ပတ်သက်ပြီးတော့ ကျုပ်တို့ကြားပြီးပြီ ။ လခလျှော့ပစ်လို့ စတီးသစ်စက်တွေ သပိတ်မှောက်တယ်ဆိုတာ ။ အမှန်က အလုပ်သမားတွေရဲ့လခဟာ ရှေးတုန်းကရတဲ့ အခလောက်တောင်မရှိဘူး ။ ပြီးတော့ စားကုန်သောက်ကုန် ဈေးတွေက အားလုံးသိကြတဲ့ အတိုင်း ၊ အများကြီးမြင့်နေတယ် ။ ဒီအထဲမှာ ရတာကလေးတောင် ပိုမပေးတဲ့ အပြင် လျှော့တောင်ပေးချင်တယ် ။အလုပ်ရှင်နဲ့ အလုပ်သမားဆိုတာ အကျိုးမတူဘူး ။ ဒါမျိုးတွေရှိတယ် ၊ လယ်သမားနဲ့ လယ်ပိုင်ရှင်ဟာ ဒီလိုဘဲ ။ ဥပမာ လယ်သမားမှာ ကြွေးမြီဟောင်းတွေတင်နေလို့ အတိုးရော အရင်းပါပေးပြီးတဲ့နောက် ကျန်ရှိနေတဲ့ အကြွေးတွေဟာ လယ်သမားမျက်စိနဲ့ ကြည်မယ်ဆိုယင် ဒီကြွေးတွေကို လျှော်ပစ်ဖို့ ကောင်းတယ် ။ သိုသော် အဲဒီကြွေးတွေကို လယ်ရှင်က တောင်းရတယ် ။ လယ်ရှင်ရဲ့ မျက်စိနဲ့ကြည့်မယ်ဆိုယင် လျှော်ပစ်ချင်မှာ မဟုတ်ဘူး ။
အဲဒါမျိုးဖြစ်ပေါ်နေတာတွေကို အဓိကထားပြီး ၊ တည်ထောင်တဲ့ အဖွဲ့မျိုးဆိုတာ ၊ ဘယ်တိုင်းပြည်မဆို ပေါ်ပေါက်စမြဲ ၊ ပေါ်ပေါက်တတ်တယ် ။ ရာဇ၀င်သဘောအတိုင်း ဖြစ်နေတာ ၊ ဒီရာဇ၀င်သဘောတရားတွေကို လူတွေဟာ မလွဲဖယ်သာနိုင်ဘူး ။ မလွှဲမရှောင်နိုင်တော့ကာ ၊ ဒီဟာက အနည်းနဲ့အများ ပေါ်ပေါက်လာတော့ကား ၊ သူ့သဘောတရားနဲ့သူ ဖြစ်လာတာတွေကို ဖျောက်ပစ်ဖို့ နည်းတနည်းက ဒီဗမာပြည်မှာ လူတန်းစား မရှိတဲ့ အခြေအနေ ရောက်အောင် လုပ်မှ ဖြစ်နိုင်မယ် ။ ဒီတော့ကာ လူချင်းအတန်းအစား ကွဲတာမျိုး ရှိနေသမျှကာလပတ်လုံး အနည်းနဲ့အများ ပါတီတွေဟာ ပေါ်တန်သလောက် ပေါ်လာမယ် ။ ပေါ်တော့ကာ ဒီလိုပေါ်တဲ့ အခါမှာလွတ်လပ်ရေးကိုလဲ သဘောတွေ ၊ အယူအဆတွေ အမျိုးမျိုးဖြစ်လာမယ် ။လွတ်လပ်ရေးဆိုတဲ့ သဘောက အမျိုးမျိုးရှိတယ် ။
ဦးဘဖေကြီး ဟောပြောနေကျဆိုယင် လွတ်လပ်ရေးက လေးမျိုးရှိတယ် ။ အမှန်ကတော့ လေးမျိုးမကဘူး ။ ဥပမာ တိုင်းပြည် လွတ်လပ်တယ်ဆိုတာက နိုင်ငံကတော့ လွတ်လပ်တယ် ။ လူမျိုးကတော့ မလွတ်လပ်ဘူး ၊ ပြောချင်တာမပြောရဘူး ။ တရားသဖြင့် သူထင်မြင်တာ မပြောရ ၊ ဆိုချင်တာ မဆိုရ ၊ ရေးချင်တာ မရေးရ ၊ လုပ်ချင်တာ မလုပ်ရ ၊ အဲဒါမျိုးဟာ ဂျပန်ခေတ်တုန်းက ခံခဲ့ရတယ် ။ အဲဒီလိုလွတ်လပ်ရေးမျိုးဟာ ပါစပ်ပိတ် ၊ ကြောက်လန့်ပြီးတော့ အမြဲတမ်းနေရတဲ့ လွတ်လပ်ရေးဖြစ်တယ် ။ ဓားမိုးထားတဲ့ လွတ်လပ်ရေးပဲ ၊ တိုင်းသူပြည်သားတွေ မလွတ်လပ်ဘူး ။ ရှေးတုန်းက ဗမာမင်းလက်ထက်မှာ ဒီအတိုင်း ၊ တိုင်းသူပြည်သားတွေ မလွတ်လပ်မှုတွေ ရှိတန်သလောက်ရှိတယ် ။ ဥပမာ – ရနောင်မင်းသား မောင်တုတ် ၊ သီပေါမင်း လက်ထက်တုံးက ရနောင်မင်းသားမောင်တုတ် လုပ်တာမျိုး ၊ ရှင်ဘုရင့်ယောက်ဖလုပ်တာတွေဆိုတော့ မပြောရဲကြဘူး ။ဒီမင်းသားမောင်တုတ်က ဘာလုပ်လဲဆိုယင် ရှင်ဘုရင့်ယောက်ဖဆိုပြီး မြို့ပြင်လေးရပ်ထွက်လယ် ၊ ချောချောလှလှသမီးဆိုယင် ၊ ဆိုင်ကန္နားအိမ်တွေ့ပီဆိုပြီးမှဖြင့် အိမ်ရှေ့မှာ သူ့လှံစိုက်လိုက်တာဘဲ ။ ဒီတော့ သမီးရှင် အုပ်ထိန်းသူများက ကန့်လန်ကာတွေ ထောင်ပေးရတယ် ။ မောင်တုတ်ကလဲ ကိစ္စပီးတဲ့အခါ သည့်ပြင်နေရာတွေမှာလဲ ဒီလိုဘဲ လုပ်တာဘဲ ၊ အဲဒီတော့ကာ တိုင်းသူပြည်သားတွေ မလွတ်လပ်ဘူး ။ တိုင်းပြည်မှာ လွတ်လပ်တယ် ဆိုပေမဲ့ ။ ဘယ်သူတွေက တိုင်းပြည်ကို အုပ်ချုပ်မှာလဲ ၊ ဘယ်သူတွေက ဘယ်လိုလူတွေအကျိုးအတွက် လုပ်မလဲဆိုတော့ ၊ အချို့ကပြောလိမ့်မယ် ။လွတ်လပ်ရေးဆိုတာ ဘယ်သူ့အတွက် လဲ လူနည်းစုအတွက်လား ၊ လူများစု အတွက်လားဆိုတာ မေးနေစရာမလိုဘူး လူများစုအတွက်လို့ပြောမှာဘဲ ။
တချို့လူတွေ ပါစပ်အားဖြင့် ပြောပေမဲ့ လက်တွေ့အားဖြင့် လုပ်တဲ့နေရာမှာ ဒီလိုသဘောထားချင်မှ ထားမယ် ။ လုပ်တဲ့နေရာမှာ ကွဲသေးတယ် ။ လယ်သမားတွေ လယ်မြေရအောင် စီမံပေးတဲ့နည်းတွေ အမျိုးမျိုးရှိတယ် ။ လယ်သမားတွေ လယ်မြေရအောင် စီမံပေးတဲ့နည်းတွေ အမျိုးမျိုးရှိတယ် ။ ဒီလို အယူအဆတွေ အမျိုးမျိုးပေါ်နိုင်တယ် ။ နောက်ပြီးတော့ကာ လွတ်လပ်ရာ လွတ်လပ်ကြောင်း လုပ်တဲ့ အခါမှာ လူများစုရဲ့လွတ်လပ်ရေးရအောင် လူများစုရဲ့အားကိုယူပြီး ၊မတည် ပြီး အလုပ်လုပ်မှ ဖြစ်မယ်လို့ ဒီလို အယူအဆတွေရှိတယ် ။တချို့က လွတ်လပ်ရေးဆိုတာဟာ ပထမရအောင် လုပ်ရမယ်။ နောက်ပြီးတော့မှ လွတ်လပ်ရေးရတဲ့ အခါကျမှ ဖြူမယ် ။ မဲမယ်ဆိုတာကို နောက်မှ စဉ်းစားထားပေါ့လို့ ပြောကြတယ် ၊ ဒါကဘာလဲ ဆိုတော့ ၀ိုးတိုးဝါးတာလုပ်ပြီး လူများစုတွေကို ဘမ်းပြရုံပြပြီး ၊ တိုင်းသူပြည်သား လွတ်လပ်ရေးရအောင် လုပ်ပီး ။ လူများစုကို အငိုက်ဖမ်းပြီးး ၊ မိမိတကိုယ်ကောင်း တစုကောင်း လုပ်ချင်တဲ့ သဘောဘဲ ။ တိုင်းသူပြည်သား လူထုကို ပြပြီးတော့ တနည်းအားဖြင့် ဆိုယင် မျောက်ပြပြီး ဆန်တောင်းတဲ့ နည်းမျိုးဘဲ ။ ဒီလိုနည်းနဲ့ လွတ်လပ်ရေးရတာလား ။ လူများစု လူထုနဲ့ လွတ်လပ်ရေးမဖြစ်နိုင်ဘူးလို့ ယူဆတဲ့လူတွေလဲရှိကြတယ်။ အဲဒီလို အယူအဆတွေရှိတော့ကယ တဦးနှင့်တဦး လူတစုနှင့်တစု သဘော ကွဲပြားလာပြီးတော့ ပါတီဆိုတာ မျိုးပေါ်ပေါက်လာကြတယ်။
ဒီလို ပေါ်ပေါက်လာတာတွေဟာ ရာဇ၀င်အလျောက် ဖြစ်ပေါ်လာတာ ဖြစ်လို့မို့ ၊ ကျုပ်တို့ အရမ်းတားလို့ မဖြစ်နိုင်ဘူး ။ ဘိုးတော်ဘုရားလက်ထက် ၊ ရှင်ဘုရင်ကနေပြီးတော့ ၊ ဦးပေါ်ဦးကို ဒီရေတက်လာတာ သွားပြီး ကြိမ်နဲ့ အရိုက်ခိုင်းတော့ကာ ဒီလို မဖြစ်နိုင်ဒါ အလုပ်ခိုင်းတော့ ဦးပေါ်ဦးက ပြန်လျှောက်တယ် ။ ဟိုခေတ်က တိုင်းသူပြည်သားတွေက ရှင်ဘုရင် စိတ်မဆိုးအောင် လျှောက်ရတာကို ။ အရှင်ဘုရားရဲ့ ဘုန်းတော်ကြောင့် ပေးအပ်လိုက်တဲ့ ကြိမ်းဒဏ်တော်ကို မခံနိုင်တဲ့ အတွက် ဒီရေဟာ ရောင်ရောင်ထလာပါတယ်ဆိုတဲ့ စကား သွားအမှတ်ရတယ် ။ အမှန်စင်စစ်ကတော့ အရှင်ဘုရား လုပ်ခိုင်းတဲ့ အတိုင်း မဖြစ်နိုင်ပါလို့ ပရိယာယ် သုံးပြီးတော့ လျှောက်တာဘဲ ။ အဲဒီအတိုင်းဘဲ ။ ဒီလိုဖြစ်နေတာတွေက ရာဇ၀င် အကြောင်း တရားတွေ ၊ ရာဇ၀င်သဘောတရားတွေ စေ့ဆော်ပြီး ပေါ်ခဲ့တဲ့ အဖွဲ့ အစည်းမျိုးဆိုယင် တားဆီးဖို့ ခဲ့ယဉ်းမယ် ။ခဲယဉ်းတော့ ဒီခဲယဉ်းတာကို ကျွန်တော်တို့က ဒီအတိုင်းကြည့်နေရမလား ၊ ဒီအတိုင်း ကြည့်နေဖို့ မလိုဘူး ။ ဒီအတိုင်း ကြည့်နေမယ်ဆိုတာ ကျွန်တော်တို့က လူဆိုတဲ့ ကျွန်တော်တို့ သဘောကို သေသေချာချာ နားမလည်လို့ဖြစ်မယ် ။
လူဆိုတာ ဖန်တီးနိုင်တဲ့ သတ္တိရှိတယ် ။ ခွန်အားရှိတယ် ။ ဘာဘဲ ဖြစ်ဖြစ် ၊ ကမ္ဘာလောကြီးမှာ ဖြစ်နေတဲ့ သဘာဝတရားတွေ ၊ လူကနောက်ဆုံးမှာ လွှမ်းမိုးရမယ် ။ တောင်ကြီးပေမယ့်လို့ ဖ၀ါးအောက်ရောက်တယ် ။ အဲဒီလိုဘဲ ၊ ဘယ်လောက် အပြန့်ကျယ်တဲ့ သမုဒ္ဒရာကြီးတွေကိုတောင်မှ လူရဲ့ဥာဏ်နဲ့ ဖန်တီးလိုက်တဲ့ သင်္ဘောတွေ ၊ ရေငုတ်သင်္ဘောတွေ ၊ လေယာဉ်ပျံတွေနဲ့ ကူးပြီး သွားလာနိုင်အောင် လူတွေဟာ ဖန်တီးလာခဲ့တယ် ။
ဘာသာတရားအရ ပြောရမယ်ဆိုယင် လူကမှ ဘုရားဖြစ်နိုင်တယ် ။ ဒီတော့ကာ လူမှာ ဖန်တီးနိုင်တဲ့ အစွမ်းသတ္တိရှိတယ် ရာဇ၀င်ကို ဘယ်သူက ဖန်တီးသလဲ ။ လူကမှ ဖန်တီးတယ် မဟုတ်လား ။ လူက ဖန်တီးတယ်ဆိုတာ အကြောင်းမဲ့ အရမ်းဖန်တီးတာကို ပြောတာမဟုတ်ဘူး ။ အဲဒီလို အတင်းပြောင်းလို့မရဘူး ။ ကျွန်တော်တို့က ဘာနားလည်ရမလဲ ၊ ဖြစ်ပေါ်လာတဲ့ လောကရဲ့ အကြောင်းတွေ ၊ ရာဇ၀င် သဘောတရားတွေကို နားမလည်ပြီးတော့ အလုပ် လုပ်ရမယ် ။ ဘယ်လိုလုပ်ရမလဲ ဆိုတော့ကာ ဥပမာ – ရေတံခွန်ကြီး ဆင်းလာတာကို ကျွန်တော်တို့ အမျိုးမျိုး သုံးနိုင်တယ် ။ ဒီရေတံခွန်ကြီးကို သေသေချာချာ ကျကျနန ဖမ်းလိုက်ပြီး ၊ ရေတံခွန်က ပါဝါကို လျှပ်စစ်ဓာတ်ရအောင် လုပ်နိုင်တယ် ။ မဖမ်းတတ် ၊ မသုံးတတ်ယင် ၊ ရေတံခွန်ဟာ လူတွေရဲ့ အကျိုး ဆုတ်ယုတ်အောင် လုပ်နိုင်တယ်
ခုနက ကျွန်တော်တို့ တပ်မတော်တွေ ၊ ပဲခူးတိုက်ပွဲ ၊ စစ်တောင်းတိုက်ပွဲတွေတုန်းက ဂျပန်ရန်ကို စိုးရိမ်ပြီးတော့ အင်မတန် ကြိုးကြိုးစားစား မြစ်ကျိုးရေကာတာတွေကို ကာကွယ်ခဲ့တယ် ။ အကယ်၍သာ ရေကာတာကြီးသာ ပျက်စီးသွားမယ်ဆိုယင် ၊ အဲဒီအောက်မှာ ရှိတဲ့ အိမ်တွေ ၊ အိုးတွေ ၊ လယ်တွေ ၊ မြေတွေဟာ ၊ အင်မတန် ပျက်စီးသွားမယ် ။ ကျွန်တော်တို့ တိုင်းပြည်မှာ ရံဖန်ရံခါအားဖြင့် ရေလွှမ်းမိုးတာ ဖြစ်တယ် မဟုတ်လား ရေလွှမ်းမိုးတာတွေကို ရေ မလွှမ်းမိုးရအောင် စီမံနိုင်တဲ့နည်းတွေရှိတယ် ။ ဘာကြောင့် ရေလွှမ်းသလဲ ၊ အကြောင်းရှိတယ် ။ ဟိုလွန်ခဲ့တဲ့ အနှစ်နှစ်ဆယ်ကျော်လောက်တုန်းက အခု ဖ-ဆ-ပ-လ အဖွဲ့ကြီးထဲမှာ ပါတဲ့ ဦးဘဖေတို့ကိုယ်တိုင် ဟိုတုန်းက ချယ်ယာမင်းလုပ်ပြီး စုံစမ်းရေးကော်မတီဆိုပြီးတော့ စုံစမ်းခဲ့တယ် ။ ဒါတွင်မကသေးဘူး ။ ဘာကြောင့် ရေလွှမ်းမိုးတယ် ။ ဘယ်လို စီမံဖို့ကောင်းတယ် ။ အဲဒါမျိုးတွေ အကြံဉာဏ်ပေးတယ် ။ ဒါတွေဟာ နတ်ဖမ်းစားတာနဲ့ မဆိုင်ဘူး ။ သိကြားမင်းကလဲ စိတ်ဆိုးလို့ လုပ်တာမဟုတ်ဘူး ၊ သူ့အကြောင်းနဲ့သူ ဖြစ်လာတာ သေသေချာချာ နားလည်ပြီး လုပ်ကိုင်လို့ရှိယင် ၊ လူတွေဟာ ရေမလွှမ်းမိုးနိုင်အောင် စီမံဖန်တီးနိုင်ရမယ် ။
ဒီတော့ကာ ရာဇ၀င်အကြောင်းတရားတွေနဲ့ စေ့ဆော်လို့ ပေါ်ပေါက်လာတဲ့ အဖွဲ့အစည်းမျိုးရှိလာလို့ရှိယင် ၊ ဒီလို အဖွဲ့အစည်းမျိုးတွေကို ကျွန်တော်တို့ ဘယ်လို လုပ်မလဲ ၊ ရာဇ၀င် သဘောတရားတွေ ၊ အကြောင်းတရားတွေ အရ သေသေချာချာ လုပ်ကိုင်ပြီးတော့ကာ ကျွန်တော်တို့တိုင်းပြည်နဲ့ လူမျိုးအကျိုးရှိရာ ရှိကြောင်း လမ်းညွှန်ပြီး သွားနိုင်ရမယ် ။ ဒီလိုမှသာ ကျွန်တော်တို့ လိုချင်တဲ့ ရည်ရွယ်ချက်တူ အကျိုးတူ ညီညွတ်ရေးကို ရအောင် လုပ်နိုင်ပြီး တကယ့် ညီညွတ်ရေးဆီကို လှမ်းသွားနိုင်မယ် ။
“ ယခုအခါ ဗြိတိသျှ နယ်ချဲ့သမားလက်အောက်မှ လွတ်မြောက်ရေး၌ တူညီသော အကျိုး၊ တူညီသော အလုပ်နှင့် တူညီသော ရည်ရွယ်ချက်များ ရှိသော အထက်ပါ လူတန်းစား အစည်းအရုံးများ တိုင်းရင်းသား လူစုအဖွဲ့များနှင့် နိုင်ငံရေး ပါတီတိုင်းသည် လွတ်လပ်ရေး အင်အားစု ပေါင်းဆုံရာ ဖြစ်သော ဖ-ဆ-ပ-လ အဖွဲ့ချုပ်ကြီးနှု့် တကယ့် အမျိုးသား ညီညွတ်ရေးကို ခိုင်မြဲအောင် တည်ဆောက်ကာ ဗမာပြည်လွတ်လပ်ရေးကို အရေးယူရန် ဤညီလာခံ သဘင်ကြီးက ဆုံးဖြတ်ကြောင်း ” ။
ဒါက ခုနပြောသလို သူ့အလိုလို တူညီတဲ့ အကျိုးတွေနဲ့ ဖွဲ့စည်းပြီးတော့ကာ အားလုံးရဲ့ အကျိုးကို တူညီတဲ့ တမျိုးသားလုံးရဲ့ အကျိုးဟာဘာလဲဆိုယင် ခုနေအခါမှယ လွတ်လပ်ရေးဘဲ ။ ဘယ်လို လွတ်လပ်ရေးလဲ ၊ မလွတ်လပ်တဲ့ ကုန်သည်တွေဟာ အချုပ်အချယ်အမျိုးမျိုးခံနေရတယ် ။ မလွတ်လပ်တဲ့ တိုင်နိုင်ငံမှာရှိတဲ့ လယ်သမားတွေလဲ အချုပ်အချယ်ခံနေရတယ် ။ အဲဒီလို တူညီတဲ့ အကျိုး ၊ တူညီတဲ့ ရည်ရွယ်ချက် ရှိတဲ့ အတွက် တူညီတဲ့ အလုပ် လုပ်မှသာလျှင်ရမယ် ။ ဒီတော့ ဒီလိုရအောင် အင်အားတေံ စုထားတဲ့ ဖ-ဆ-ပ-လ အဖွဲ့ချုပ်ကြီးထဲမှာ အားလုံးဝင်ပြီးတော့ ဒီအဖွဲ့ချုပ်ကြီးထဲမှာ မပါတဲ့ တိုင်းသူပြည်သားအများအပြားကလဲ ဒီအဖွဲ့ချုပ်ကြီးမှာ တသီးပုဂ္ဂလများအဖြစ် ပါဝင်ပူးပေါင်းပြီးတော့ လွတ်လပ်ရေးကို အရယူဘို့ ၊ ဒီညီလာခံသဘင်ကြီးက ဆုံးဖြတ်ဖို့ဘဲ ။ ပါတီတွေနဲ့ ပတ်သက်ပြီးတော့ကာ သဘောထားကို ပြောပြီးတဲ့ အတိုင်း ဒီညီညွတ်ရေးလုပ်တဲ့ အခါမှာ ဖ-ဆ-ပ-လ အဖွဲ့ချုပ်ကြီးရဲ့ အမျိုးသားစည်းရုံးခြင်းဟာ ဂျီ-စီ-ဘီ-အေ အစည်းအရုံးနဲ့ မတူဘူး ၊ အိန္ဒိယပြည်က လူအများသိနေတဲ့ ( Indian National Congress ) ကွန်ဂရက် အစည်းအရုံးနဲ့လဲ မတူနိုင်ဘူး ၊ နဲနဲ ဆင်တူသလောက် တူတာကို ပြောရယင် ၊ ဘိလပ်မှာရှိတဲ့ လေဘာပါတီဆိုတဲ့ အလုပ်သမားအဖွဲ့မျိုးနဲ့တော့ ဆင်သလောက် ဆင်တယ် ၊ အဲဒီအလုပ်သမား သမဂ္ဂအဖွဲ့ ( T.U.C ) ၊ သမ၀ါယမ အသင်း အဲဒီအဖွဲ့တွေပါတယ် ။ ဒီပြင် တသီးပုဂ္ဂလအားဖြင့် ဖွဲ့စည်းထားတဲ့ အဖွဲ့တွေလဲပါတယ် ။ နောက်ပြီးတော့ တရုတ်ပြည်မှာ လွန်ခဲ့တဲ့ အနှစ် ၂၀ ကျော်လောက်က ဒေါက်တာဆွန်ရက်ဆင် ကြီးမှုးပြီးတော့ ၊ တရုတ်ပြည်ကြီးရဲ့ သမ္မတနိုင်ငံ တည်ထောင်ဘို့အတွက် တော်လှန်ရေး လုပ်တဲ့အခါတုန်းက တည်ထောင်ခဲ့တဲ့ ကူမင်တန်အဖွဲ့အစည်းခေါ်တဲ့ တရုတ်ပြည်က အမျိုးသားအဖွဲ့အစည်းနဲ့လဲ တူသလောက်တူတယ် ။
အဲဒီအခါတုန်းက အဲဒီအဖွဲ့ထဲမှာ နိုင်ငံရေးပါတီတချို့ ထည့်ပေးထားတယ် ၊ ဒေါက်တာ ဆွန်ရက်ဆင်ဟာ တသီးပုဂ္ဂလအားဖြင့်လဲ ဖွဲ့စည်းတယ် ။ အဲဒါမျိုးရှိတယ် ၊ ဒီတော့ လူတွေက ဘဲ့နဲ့ဖြစ်သလဲဆိုတော့ ၊ ဖ-ဆ-ပ-လ အဖွဲ့ချုပ်ကြီးမှာ အဖွဲ့အသီးသီးတွေလဲပါတယ် ။ လူအသီးသီးတွေလဲပါတယ် ဆိုတော့ တချို့က ဒီအဖွဲ့တွေပါတာကို သဘောမပေါက်နိုင်ဘူး ။ အိန္ဒိယကွန်ဂရက်မှာလဲ အဖွဲ့တွေ မရှိဘူး ၊ ဂျီ-စီ-ဘီ-အေ တုန်းကလဲ ဒီလိုဘဲ လုပ်တယ်ထင်ပြီး ပြောနေတယ် ။ ကျွန်တော်တို့က အဲဒါတွေကို သေသေချာချာသိဘို့လိုတယ် ။
ကွန်ဂရက် အဖွဲ့ကြီးဆိုလို့ ရှိယင် အမြင်အားဖြင့် ၊ ဘန်းပြအားဖြင့် အမျိုးသား အစည်း အရုံးလို့ထင်မြင်နေပေမယ်လို့ ၊ အခုချိန်အခါမှာ အမျိုးသားအစည်းအရုံး မခေါ်နိုင်တော့ဘူး ။ ဘာကြောင့်လဲ ဆိုတော့ အဲဒီနေရာမှာ မူစလင်လူမျိုးတွေရဲ့အားကို ယူပြီးတော့ ဖွဲ့စည်းထားတဲ့ မူစလင်အစည်း အရုံးက အင်မတန် အင်အားကြီးတယ် ။ ဘယ်လို ထိအောင် ထင်ရှားနေသလဲလို့ဆိုတော့ကာ ရွေးကောက်ပွဲလုပ်တဲ့နေရာမှာ မူစလင်အတွက် ၃၀နေရာရထားတယ် ။ ဒီနေရာမှာ မူစလင် ၃၀ စလုံးကို မူစလင်အစည်းအရုံးက ရသွားတယ် ။ ဒီတော့ကာ အိန္ဒိယပြည်ရဲ့ ကွန်ဂရက်အဖွဲ့ကြီးဟာ အမျိုးသား အစည်းရုံးအနေမျိုး မဟုတ်တော့ဘူး ။
ပြည်နယ်တွေမှာလဲ ဒေသန္တရ အဖွဲ့တွေရှိသေးတယ် ၊ ကျွန်တော်တို့ အိန္ဒိယပြည် သွားတုန်းက ဆိုယင် အဖွဲ့ပေါင်း အများကြီး တွေ့ရတယ် ။ တွေ့ရုံမကဘူး ။ ကွန်ဂရက်ထဲမှာ ၊ ၀ါဒသဘောမျိုးလွတ်လပ်ရေးကို သဘောအဓိပ္ပာယ်ခွဲပြီးတော့ လွတ်လပ်ရေးရအောင် ဘယ်လိုလုပ်ဖို့ကောင်းတယ်ဆိုတဲ့ သဘောတွေ ဒီအဖွဲ့ထဲမှာနေပြီးတော့ ညီလာခံသဘင်တွေကျယင် လွတ်လပ်ရေးဆိုတာ ဘယ်လိုသဘောမျိုး ဖြစ်ဖို့ကောင်းတယ် ၊ ဒီလွတ်လပ်ရေးကို အမြန်ရအောင် ဘယ်လိုလုပ်ဖို့ကောင်းတယ်ဆိုပြီး သဘောအဆတွေ အများအပြား ကွဲပြား ကွဲကြတယ် ။ အားလုံး သဘောကျပြီးပြီဆိုယင် ။ အများသဘောတူဆောင်ရွက်ကြတယ် ။ ဒါကြောင့် ကွန်ဂရက်မှာလဲ အဲဒီအဖွဲ့မျိုး ရှိတယ်။ အဲဒီလို အဖွဲ့မျိုးဆိုတာ ဗမာပြည်မှာ ရှိတဲ့ အဖွဲ့မျိုးကို ပြောတာ မဟုတ်ဘူး ။
ဗမာပြည်မှာ လူတစ်ယောက်ရဲ့ နာမည်ကို အခြေခံပြုပြီးဖြစ်တဲ့ အဖွဲ့ ၊ ဝေစား ( ၀ါးစေ ) ရေး အဖွဲ့မျိုးမဟုတ်ဘဲနဲ့ ခုနကပြောတဲ့ အဖွဲ့ဟာ အနှေးနဲ့ အမြန် ပေါ်ပေါက်မယ် ။ ပေါ်ပေါက်တဲ့ အခါကျတော့ ခုနပြောသလို အမျိုးသား အစည်းအရုံးဖြစ်တဲ့ ဖ-ဆ-ပ-လ အဖွဲ့ချုပ်လိုဟာမျိုးမှာ ၀င်ရောက်ပြီးတော့ကာ ၊ ဒီ ဖ-ဆ-ပ-လ အဖွဲ့ကြီးရဲ့ချုပ်ကိုင်ချက်၊ လမ်းညွှန်ချက် ထိန်းသိမ်းခြင်းကို ခံယူပြီး လုပ်မယ်ဆိုယင် ညီညွတ်ရေးကို မထိခိုက်နိုင်ပါဘူး ။ အဖွဲ့ချုပ်ကြီးက ဘယ်လိုချုပ်ကိုင်ရမလဲ ထိန်းရမလဲဆိုယင် ပါတီအချင်းချင်း ပြိုင်ဆိုင်မှုရှိယင် အကောင်းနည်းပြိုင်စေရမယ် ။ အဆိုးနည်း မပြိုင်အောင်တားပေးရမယ် ။
ဘယ်လိုအကောင်းနည်းပြိုင်ရမလဲ ဆိုယင် ၊ တိုင်ပြည်နှင့် လူမျိုးအတွက် ၊ အဖွဲ့ချုပ်ကြီး အတွက် ဘယ်လောက်ထိအောင် စွမ်းဆောင်နိုင်တယ် ၊ လုပ်ပြနိုင်တယ်လို့ တဦးနှင့်တဦး ပြိုင်ကြမယ်ဆိုယင် အကောင်းပြိုင်နည်းမျိုးဘဲ ဒီလို အကောင်းပြိုင်နည်းမျိုးမဟုတ်ဘဲ ၊ တဦးနှင့်တဦး ပျက်စီးရာပျက်စီးကြောင်း ၊ တိုင်းပြည်နှင့်လူမျိုးအကျိုး ၊ အဖွဲ့ချုပ်ကြီးရဲ့ အကျိုးကို ဂရုမမူဘဲ ၊ ပြုလုပ်ကြမယ်ဆိုယင် ၊ ဒါ အဆိုးပြိုင်နည်းဘဲ ။ ဒီလို အဆိုးပြိုင်နည်းမျိုး မရှိအောင် အဖွဲ့ချုပ်ကြီးက တားပေးရမယ် ။ ပြီးတော့ တဦးနှင့်တဦး တဖွဲ့နှင့်တဖွဲ့ ညီညွတ်သည်ထက်ညီညွတ်အောင် လုပ်ပေးရမယ် ။ နိုင်ငံရေး ပါတီဆိုတာမျိုးကို ပါတီသဘောမျိုးဖွဲ့စည်းတာမျိုး ရှိစေရမယ် ။ အဲဒီလို စည်းကမ်းတွေသတ်မှတ်ပြီး ၊ နိုင်ငံရေးအဖွဲ့တွေကို လက်ခံမယ်ဆိုယင် ၊ အဖွဲ့ချုပ်ကြီးဟာလဲ တည်တံမယ် ။ အမျိုးသား ညီညွတ်ရေးဟာလဲ ပျက်စရာမရှိလဲ တဆင့်ထက်တဆင့် တိုးပြီး ခိုင်မြဲသွားမယ် ။
ဒီ ဖ-ဆ-ပ-လ အဖွဲ့ချုပ်ကြီးထဲမှာ တသီးပုဂ္ဂလတွေလဲ ပါပါတယ် ။ အခု ကွန်ဂရက်ကြီးတက်တဲ့ လူတွေထဲမှာ တသီးပုဂ္ဂလသဘောမျိုးနဲ့ ကိုယ်စားလှယ်တွေဟာ ၊ ပါတီကိုယ်စာလှယ်တွေထက်များပါတယ် ။ ဒီတော့တသီးပုဂ္ဂလလုပ်တဲ့ ပုဂ္ဂိုလ်တွေက ပါတီတွေကိုတော့ ဂရုစိုက်ပြီး ၊ ဒို့တော့ ဂရုမစိုက်ဘူးလို့ မထင်ပါနှင့်၊ ခင်များတို့အတွက်လဲ သီးသန့် စည်းမျဉ်းထဲမှာ ထည့်ထားပါတယ် ။ အခြေအနေအလျောက်သာ ပါတီတွေကို လက်ခံရတယ် ဆိုတာ နားလည်စေချင်တယ် ။ တသီးပုဂ္ဂလလုပ်တဲ့ လူတွေသာ လုပ်တတ်လို့ရှိယင် ပါတီတွေဟာ အဖွဲ့ချုပ်ကြီး လုပ်ငန်းကို အမြဲတစေ ထောက်ခံအောင် လုပ်ပေးနိုင်ပါတယ် ။ ပါတီတွေက မဟုတ်တာ လုပ်တဲ့အခါ ဖ-ဆ-ပ-လ အဖွဲ့ချုပ်ကြီးကိုသာ ရှေ့ရှုအောင် ရိုက်သွင်းပေး ၊ ရိုက်သွင်းမရယင် ၀ိုင်းပယ်ပစ် ။ လူထုကို အမြဲတမ်း ဖ-ဆ-ပ-လ နောက် ရှိအောင်လုပ်ယင် ပါတီတွေဟာ ကောင်းကောင်းနေမှာဘဲ ။ ဒါခင်ဗျားတို့ အပေါ်မှာ တည်ပါတယ်။ ခင်ဗျားတို့ လုပ်ဖို့ ဖြစ်ပါတယ် ။
နိဂုံးချုပ်တွင် လူငယ်ခေါင်းဆောင်များကို ကျုပ်လဲ လူငယ်ဖြစ်တဲ့အတိုင်း အထူး မေတ္တာရပ်ခံသွားချင်တယ် ။ လူငယ်တွေဟာ တိုင်းပြည်နှင့် လူမျိုးအတွက် ဘယ်လောက် လုပ်တယ်ဆိုတာလဲ လူအများအပြား သိကြတာဘဲ ။ လူကြီးတွေဆိုတာလဲ ဒီတိုင်းပြည်မှာ အတော်ဘဲ မရှိကြတော့ဘူး ။ လူငယ်တွေရဲ့ ခေတ်ရောက်လာပါပြီ ။ ဒီလို မိမိတို့ခေတ်ရောက်လာတဲ့ အခါ မိမိတို့ဟာ ရှေ့က နိုင်ငံရေးသမားတွေမှားသလို မမှားကြတော့ဘဲ ။ နည်းသစ် ၊ အလုပ်သစ် ၊ စိတ်သစ် ၊ နိုင်ငံရေးသစ်ကို လုပ်ဖို့အထူးသတိပြုစေလိုပါတယ် ။ တဦးနှင့် တဦးလဲ အယုံအကြည် အရမ်းမကင်းကြပါနှင့် ၊ တဦးနှင့် တဦးလဲ ဝေဖန်လွန်းအားမကြီပါနှင့် ၊ ရှေ့ကိုလဲ သိပ်လောမကြီးပါနှင့် ၊ သိပ်လောကြီးယင် စစ်ကျွံသလို ဖြစ်မယ် ဆိုတာကို သတိပြုပါ ။ တပ်မတော်များဟာ သာမန်တပ်မတော်သားရဲ့ ခြေလှမ်းနှင့် နှိုင်းချိန်ပြီး စစ်ချီသလို တနိုင်ငံလုံး တမျိုးသားလုံး လွတ်လပ်ရေး ပန်းတိုင်ကို တပ်လုံးချီတဲ့အခါ ခြေလှမ်း ညီညီညာညာနှင့် တပ်ချင်းပြတ်ပြီး တပ်မကျွံရအောင် ရန်သူက အမှည့်ချွေ ၊ ချွေပြီး မတိုက်နိုင်အောင် ၊ ရာဇ၀င်မှာ မင်းရဲကျော်စွာ စစ်ကျွံသလို မကျွံရအောင်မှန်မှန်ကြီး ခရီးသွားဖို့ အထူး အရေးကြီးပါတယ် ။ အဲဒီလို ခြေလှမ်းမှန်မှန်နှင့် တနိုင်ငံလုံး တမျိုးသားလုံးရဲ့ လွတ်လပ်ရေးကို ရှေ့ရှုပြီး ညီညွတ်ရေးကို ဆောင်ရွက်တဲ့အခါ လူငယ်များဟာ တပ်ဦးက ခြေလှမ်းမှန်မှန် လှမ်းကြရန် အရေးကြီးပါတယ် ။
ဖ-ဆ-ပ-လ ထဲတွင် အချို့လူကြီးများကို အချို့က သဘောမကျ ပုတ်ခပ်ကြတယ် ။ သူတို့တတွေ ဟန်ပါ့မလား ၊ သူတို့နှင့်ပေါင်းလို့ ဖြစ်ပါ့မလားလို့ပြောကြတယ် ။ ဘုရားလက်ထက်မှာတောင် အလဇ္ဇီရဟန်းတွေ ရှိယင် ကျုပ်တို့ ဖ-ဆ-ပ-လ မှာလဲ ကျုပ်တို့မသိတဲ့ အလဇ္ဇီတွေရှမှာပဲ ။ ဒါပေမဲ့ ဘုရား လက်ထက်က သူဌေးကြီးတဦး လုပ်သလို ၊ ဒီလိုနိုင်ငံရေး အလဇ္ဇီတွေကိုလဲ ဆက်ဆံစေလိုတယ် ။ ဘယ်လိုလဲဆိုယင် ၊ ဘုရားလက်ထက်က မဟာဒုတ် ဆွမ်းကျွေးတဲ့အခါ အလဇ္ဇီ ရဟန်းတပါးကို သူဌေးကြီးတဦးက မဲကျတော့ ကောင်းကောင်းမွန်မွန် သူတို့ကို ကျွေးမွေးလွှတ်လိုက်တယ် ၊ ဒီတော့ ရဟန်တုက ငါတော့ အမဲမိပြီလို့သဘောရပြီး နောက်တခါ သူဌေးကြီးဆီလာပြီး တူရွင်းလာငှားတယ် ။ ဒီတော့ သူဌေးကြီးက ခြေထောက်နှင့်ထိုးပြီး တူရွင်ကို ပေးလိုက်တယ် ။ ဒါကို ဒီပြင်သူတယောက်ကမြင်တော့ ၊ ခင်များ အရင်တမျိုး ၊ ခုတမျိုး ဘာလို့ လုပ်သလဲလို့ မေးတဲ့ အခါ သူဌေးကြီးက ဒီရဟန်းဟာ အလဇ္ဇီ ဖြစ်မှန်း ငါသိတယ် ၊ အရင်တခါ ငါ့ဆီလာတဲ့အခါ သူဟာ သံဃာရဲ့ ကိုယ်စာလှယ်အဖြစ်လာတယ် ။ သံဃာကို ကြည်ညိုတဲ့သဘောနဲ့ သူကို ဆွမ်းလုပ်ကျွေးလိုက်တယ် ။ အခုတခါ သူလာတာဟာ ပုဂ္ဂိုလ်အနေနဲ့ ဖြစ်တယ် ။ ဒါကြောင့် ဘုရားဟောအတိုင်း ၊ ငါ မကြည်ညိုချင်ယင် ဖြစ်တယ်လို့ ပြန်ပြောပြတယ် ။ အဲဒီအတိုင်းဘဲ ၊ ကျုပ်တို့ ဖ-ဆ-ပ-လ ထဲမှာပါတဲ့ ခင်များတို့သိတဲ့အတိုင်း အလဇ္ဇီတွေရှိယင် ၊ ဖ-ဆ-ပ-လ ရဲ့လုပ်ငန်းကို လုပ်တဲ့အခါ ဖ-ဆ-ပ-လ ကို ကြည်ညိုသောအားဖြင့် သူတို့ကို ဆက်ဆံပါ ။ သို့သော် သူတို့ဖာစာသူတို့ လုပ်တဲ့ အခါ ဖ-ဆ-ပ-လ မှ စာအထောက်အထား မပါဘဲ ။ သူတို့ အကျိုး သူတို့ လုပ်တဲ့အခါ ခင်ဗျားတို့ မထောက်ခံပါနှင့် ခင်ဗျားတို့သဘောအတိုင်းဘဲ ၊ ဒီတော့ နောက်ဆုံးကျယင် စင်ကြယ်တဲ့ ညီညွတ်ရေး ၊ စင်ကြယ်တဲ့ နိုင်ငံရေး လုပ်မဲ့လူတွေဟာ ၊ ဖ-ဆ-ပ-လ ကြီးမှာ ရှိပြီး ဖ-ဆ-ပ-လ ကြီးကို တိုင်းပြည်က အမြဲအားပေးယင် ၊ ဘယ်နည်းနှင့်မဆို လွတ်လပ်ရေးဟာ မြေကြီးလက်ခပ်မလွဲတန်း ရမှာဘဲ ၊ ဒါကြောင့် ဖ-ဆ-ပ-လ အဖွဲ့ချုပ်ကြီးထဲ အားလုံး တိုင်းသူပြည်သားများဟာ ၀င်ပြီးတော့ စင်ကြယ်တဲ့ ညီညွတ်ရေး ၊ စင်ကြယ်တဲ့ နိုင်ငံရေးကို တည်ထောင်ကြပါလို့ မေတ္တာ ရပ်ခံလိုပါတယ် ။
၎င်းနောက် ဗိုလ်ချုပ်အောင်ဆန်းက အောက်ပါအတိုင်း အဆိုကို တင်သွင်းကြောင်း….
“ ဗမာပြည်သည် အာဏာပိုင် တိုင်းပြုပြည်ပြုလွှတ်တော်ကြီးသို့ ခေါ်၍ ကိုယ်ပိုင်ပြဋ္ဌာန်းနိုင်ခွင့် ရှိသော အခြေအနေ ဆိုက်ရောက်အောင် ( ၀ါ ) လွတ်လပ်ရေးရအောင် အလိုဆုံး အရာမှာ ညီညွတ်ရေးပင်ဖြစ်ကြောင်း ၊ညီညွတ်ရေးသည် တူညီသော အကျိုး ၊ တူညီသော အလုပ်နှင့် တူညီသော ရည်ရွယ်ချက်တို့တွင် အခြေပြုရမည် ဖြစ်ကြောင်း ၊ ပစ္စည်းမဲ့ အလုပ်သမား လူတန်းစားသည် တူညီသော အကျိုး တူညီသော ရည်ရွယ်ချက်တို့တွင် အခြေပြုရမည် ဖြစ်ကြောင်း ၊ပစ္စည်းမဲ့ အလုပ်သမား လူတန်းစားသည် တူညီသော အကျိုး ၊ တူညီသော အလုပ်နှင့် တူညီသော ရည်ရွယ်ချက်တို့တွင် အခြေပြုကာ ၊ သမဂ္ဂများ အဖွဲ့၍ ခိုင်မြဲသော ညီညွတ်ရေးကို တည်ဆောက်၍ ၊ ဗမာပြည်တွင် အလုပ်သမားတို့အတွက် အစည်းအရုံး တခုသော ရှိရန်နှင့် အလုပ်သမားတိုင်း ညီညွတ်ရန်လိုပေကြောင်း ၊ လယ်သီးစားလယ်ကူလီ နှင့် လယ်ယာမြေဧက အထိုက်အလျောက်ပိုင်ဆိုင် လုပ်ကိုင်သော တောင်သူလယ်သမားများ အားလုံးသည် တူညီသောအကျိုး ၊ တူညီသော အလုပ်နှင့် တူညီသော ရည်ရွယ်ချက်များတွင် အခြေပြုကာ လယ်သမားသမဂ္ဂများကို တည်ထောင်ကြရန် ဗမာပြည်တွင် တောင်သူလယ်သမားတို့အတွက် တခုတည်းသော အစည်းအရုံးကို တည်ဆောက်ရန်နှင့် တောင်သူလယ်သမားတိုင်း ညီညွတ်ရန် လိုပေကြောင်း ၊ ထို့အတူ ဈေးသည် ၊ ပွဲစား ၊ စာရေး ၊ စာချီ ၊ ပညာသည် ၊ ရှေ့နေ စသည်တို့သည်လည်း ဆိုင်ရာ ဆိုင်ရာ သမ၀ါယမ အသင်းများနှင့် သမဂ္ဂများကိုဖွဲ့စည်း၍ ညီညွတ်ရေးတည်ဆောက်ကြရန် လိုပေကြောင်း ။
ဗမာနိုင်ငံရှိ တိုင်းရင်းသားများသည်လည်း သက်ဆိုင်ရာ လူမျိုးအလိုက် တခုတည်းသော အစည်းအရုံးကို တည်ထောင်၍ ညီညွတ်ကြရန် လိုပေသည် ။
နိုင်ငံရေး ပါတီတို့သည်လည်း လုပ်နည်းနှင့် ၀ါဒတူသော ပါတီ အချင်းချင်းပူးပေါင်းခြင်းဖြင့် ပိုမိုခိုင်မြဲအောင် တည်ဆောက်ရန် လိုအပ်ပေကြောင်း အထက်ပါနည်းအရ လူတန်းစား အစည်းအရုံးများ ၊ တိုင်းရင်းသား လူနည်းစုအဖွဲ့မျာနှင့် နိုင်ငံရေးပါတီများသည် အမြန်ဆုံး ခိုင်မြဲညီညွတ်စွာ တည်ဆောက်ရမည် ဖြစ်ကြောင်း ။
ယခုအခါ ဗြိတိသျှ နယ်ချဲ့သမား လက်အောက်မှ လွတ်မြောက်ရေး၌ တူညီသော အကျိုး ၊ တူညီသော အလုပ်နှင့် တူညီသောရည်ရွယ်ချက်များ ရှိသော အထက်ပါ လူတန်းစား အစည်းအရုံးများ ၊ တိုင်းရင်းသား လူစုအဖွဲ့များနှင့် နိုင်ငံရေးပါတီတိုင်းသည် လွတ်လပ်ရေးအင်အားစု ပေါင်းဆုံရာ ဖြစ်သော ဖ-ဆ-ပ-လ အဖွဲ့ချုပ်ကြီးနှင့် တကဲ့အမျိုးသား ညီညွတ်ရေးကို ခိုင်မြဲအောင်တည်ဆောက်ကာ ဗမာပြည် လွတ်လပ်ရေးကို ခိုင်မြဲအောင်တည်ဆောက်ကာ ဗမာပြည် လွတ်လပ်ရေးကို အရယူရန် ဤညီလာခံက ဆုံးဖြတ်ကြောင်း …”
အဆိုကို ညီလညခံလူထုက ထောက်ခံ အတည်ပြုလိုက်ကြောင်း ။            ။

No comments:

စကားလက်ဆုံပြောကြမယ်

ဗိုလ်ိချုပ်မိန်.ခွန်း

ဗိုလ်ိချုပ်မိန်.ခွန်း

ဗိုလ်ချုပ်အောင်းဆန်းမိန်.ခွန်း

ကမ္ဘာ.အလုပ်သမားများကသာ သွေးစည်းညီညွတ်ပြီး အရင်းရှင်ကြီးတွေက စစ်တိုက်ဖို.လုပ်ရင် စစ်မဖြစ်ရအောင် အလုပ်သမားတွေရဲ.အင်အားညီညီညွတ်ညွတ်နဲ.တောင့်ထားလိုက်နိုင်တယ်။အလုပ်သမားအားလုံး ကမ္ဘာတစ်ဝှမ်းမှာ ညီညွတ်သွားမှလဲ ကမ္ဘာကြီး တစ်ခုလုံးရဲ. တကယ့်ငြိမ်းချမ်းရေး အစစ်ကိုရနိုင်မယ်။ (ဗိုလ်ချုပ်အောင်ဆန်း)

မိဘဆိုတာ

မိဘဆိုတာ
There was an error in this gadget

ယနေ.ခေတ်မီဒီယာတွေဘာလဲ..ဘယ်လဲ


သင့်အတွက် မင်္ဂလာ ရှိသောနေ.ရက်ဖြစ်ပါစေလိုကျွန်တော် မင်းလွမ်းနောင် မှ နုတ်ခွန်ဆက်သဂါရ၀ပြုလိုက်ပါတယ်ဗျာ

ကျွန်တော့်ဘလော့ လေးထဲကိုလာရောက်လည် ပါတ်ကြသောမိတ်ဆွေများအားလုံး စိတ်ဧ။်ချမ်းသာခြင်းကိုယ်ဧ။်ချမ်းသာခြင်းများနှင့်ပြည့်စုံပြီး လိုရာပန်းတိုင် ကို ရောက်ရှိကြပါစေကြောင်း ကျွန်တော်မင်းလွမ်းနောင်နှင့် သူငယ်ချင်းများမှ ဆုတောင်းစကားလေးလက်ဆောင်ပါးလိုက်ပါရစေဗျာ...

ဒီနေ.ဘာနေ့.လဲ

ယနေ. ကမ္ဘာ့ သတင်းများ

ငွေလဲနှုန်းများကြည့်ရန်

လာရောက်လည်ပတ်သူဦးရေ(နှင့်)ထိုင်းစံတော်ချိန်

အကြိုက်များသော Posts

သူငယ်ချင်းများ