မြန်မာဒုက္ခသည် လျှောက်သည့်ကိစ္စများကို ထိုင်းအစိုးရ ပြန်ဆောင်ရွက်မည်
2011-04-18
ဒုက္ခသည်အဖြစ် လျှောက်ထားသူတွေကို လက်ခံ စဉ်စားတဲ့ အစီအစဉ်ကို ထိုင်းအစိုးရက အချိန်ကာလ အတော်ကြာ ရပ်ဆိုင်းထားရာကနေ မကြာခင် ပြန်စတော့မယ်လို့ ကုလသမဂ္ဂဆိုင်ရာ မဟာမင်းကြီးရုံး (UNHCR) ဗန်ကောက်ရုံးရဲ့ ပြောရေးဆိုခွင့်ရှိသူ Kitty McKinsey က ပြောပါတယ်။
UNHCR အစီအစဉ်ဖြင့် ထိုင်းနိုင်ငံ ရာချာဘူရီခရိုင်ရှိ ဒုက္ခသည်စခန်းတခုမှ အမေရိကန်နိုင်ငံသို့ ပြောင်းရွှေ့
အခြေချမည့် ကရင်တိုင်းရင်းသား မိသားစုများ လေယာဉ်ကွင်းသို့ ပို့ဆောင်ပေးမည့် ဘတ်စ်ကား စောင့်ဆိုင်းနေပုံ ဖြစ်ပါသည်။ (Photo: AFP)တကယ်တမ်း နှစ်နဲ့ချီ ကြန့်ကြာနေတာဟာ UNHCR ကြောင့် မဟုတ်ပဲ ထိုင်းအုပ်ချုပ်ရေး အဖွဲ့တွေဖက်က လုပ်ငန်းတွေ ရပ်ဆိုင်းထားတာကြောင့် ဖြစ်တယ်လို့ (UNHCR) ဗန်ကောက်ရုံးရဲ့ ပြောရေး ဆိုခွင့် ရှိသူKitty McKinsey က ပြောပါတယ်။
ထိုင်းနိုင်ငံမှာ ၂၀၀၀ ခုနှစ်လောက်ကစပြီး ဒုက္ခသည်အဖြစ် လျှောက်ထားတဲ့ မြန်မာတွေဟာ UNHCR ရုံးကို တိုက်ရိုက် မသွားရပဲ နယ်စပ်မှာ ဖွင့်ထားတဲ့ ဒုက္ခသည် စခန်းတွေကနေတဆင့် ဖြတ်ရပါတယ်။ Provincial admission board လို့ ခေါ်တဲ့ ခရိုင်အလိုက် ထိုင်းအုပ်ချုပ်ရေးအဖွဲ့တွေက ဒုက္ခသည် အဖြစ် အသိအမှတ် ပြုရေးမပြုရေး ကိစ္စတွေကို ဆောင်ရွက်တာပါ။ ထိုင်းနိုင်ငံဥပဒေအရ UNHCR က အဲဒီအုပ်ချုပ်ရေးအဖွဲ့တွေနဲ့ ပူးပေါင်း ဆောင်ရွက်ရတာပါလို့ Kitty McKinsey က ဆိုပါတယ်။
ထိုင်း-မြန်မာနယ်စပ် စခန်းတွေက ဒုက္ခသည်တွေကို တတိယနိုင်ငံမှာ အခြေချ နေထိုင်ဖို့ ဆောင်ရွက်နေတဲ့ လုပ်ငန်းတွေဟာ အရှိန်အဟုန်မပြတ် ရှိနေတယ်လို့ Kitty McKinsey က ပြောပါတယ်။ အများစု ဟာ အမေရိကန် ပြည်ထောင်စုကို သွားရောက်ခွင့် ရတယ်လို့လည်း ဆိုပါတယ်။
မကြာသေးခင်ကပဲ ကရင်ဒုက္ခသည်တချို့ ဂျပန်နိုင်ငံမှာ အခြေချ နေထိုင်ဖို့ ဗန်ကောက် UNHCR ရုံးက စီစဉ်ခဲ့ပါတယ်။
No comments:
Post a Comment