တဘောင်(ကြိုတင်နမိတ်)အကြောင်းနှင့်တဘောင်များ

တဘောင်(ကြိုတင်နမိတ်)အကြောင်းနှင့်တဘောင်များ

တဘောင်

တဘောင်ဟူသည် သူငယ်၊ သဘင်သည်နှင့် သူရူးတို့ ပြောဆိုကြသော နိမိတ်စကားဟူ၍ မြန်မာအဘိဓာန် အကျဉ်းချုပ်တွင် ဖွင့်ဆိုသည်။ ဆရာကြီး ဦးဘရင်က တဘောင်ဟူသော စကားမှာ တံဘာသ မှ ပြောင်းလာခြင်း ဖြစ်သည်။ `တံ´ သည် ထို ဟူသော ညွှန်ကြားခြင်း နိဒဿန ဖြစ်သည်။ `ဘာသ´မှာ ပြောဆိုခြင်း ဖြစ်သည်။ ထိုသို့သော နောင်အခါ၌ မည်သို့မည်ပုံဖြစ်မည်ကို ကြိုတင်ပြောဆိုထားခြင်းဟု အဓိပ္ပါယ် ဖွင့်ပါသည်။
တဘောင်နှင့် စနည်း မတူပေ၊ ဆရာတော် ဦးဝိစိတ္တသာရာဘိဝံသ က တဘောင်နှင့် စနည်း ဤသို့ခွဲခြားပြသည်။
တဘောင်ဟူသည် ကြားရသော အသံဖြစ်၏။ သဘင်သည်၊ သူရူး၊ ကလေးသူငယ်တို့၏ နှုတ်ဖျားမှ သီဆိုအော်ဟစ်ကြသော အသံသည် တမင်နားမထောင်ရဘဲ ကြားရသောအသံ ဖြစ်၍ တဘောင်ဟု ခေါ်၏။ (ဥပမာ= ၂၀၀၈-ခုနှစ်၊ဧပြီလ သင်္ကြန်တွင် စိုင်းစိုင်းခမ်းလှိုင်၏ `အိုးကလေး လှုပ်ပါဟေ့၊ အိုးကလေး လှုပ်ပါဟေ့၊´ဟု ကလေးသူငယ်များ ပါးစပ်ဖျားတွင် ရေပန်းစားခဲ့ကာ မကြာခင် နာဂစ်မုန်တိုင်းကြောင့် အိုးအိမ်စည်းစိမ်တွေသာမက အသက်တွေပါ ဆုံးရှုံးသွားကြရသည်ဟု လူတို့ပြောကြသည်။ စာရေးသူ=မေယာအမ်တီ)
တမင်ချောင်း၍ နားထောင်မှ ကြားသိရသောအသံကိုကား စနည်းဟု ခေါ်ဆိုသည်။ [1]
မြန်မာတို့ယုံကြည်မှုအရ တဘောင်ဆိုသည်မှာ ပညာရှိ၊ ဗေဒင်ကျမ်းဂန်တတ်တို့က အနာဂတ်တွင် ဖြစ်ဖွယ်ရှိသည့် အကြောင်းတရားတို့ကို တွက်ချက်ကာ အပြောအဆိုရလွယ်စေရန် ရေးသားစီရင်ထားသော ကဗျာ(သို့) လင်္ကာ ဟုသတ်မှတ်နိုင်သည်။ တဘောင်နှင့် သိုက်စာ မှာ သဘောချင်းအားဖြင့် တူညီသည်ဟု ဆိုနိုင်သည်။ သို့သော် သိုက်စာမှာ အချိန်အားဖြင့် ပိုမိုသောသဘောတွင်ရှိပြီး စာကိုယ်အားဖြင့်လည်း ပိုရှည်တတ်ပေသည်။

• 1 ဗိုလ်ချုပ်အောင်ဆန်းခေတ်က တဘောင်
• 2 ကုန်းဘောင် တဘောင်
• 3 သီပေါ တဘောင်
• 4 အင်္ဂလိပ်ပြေးခါနီး တဘောင်
• 5 ဂျပန်ခေတ် တဘောင်
• 6 နှောင်း တဘောင်
• 7 အတိတ်တဘောင်
• 8 ကိုးကား

[ပြင်ဆင်ရန်] ဗိုလ်ချုပ်အောင်ဆန်းခေတ်က တဘောင်

• အင်းကို ဟင်္သာ ဆင်းလတံ့

ဟင်္သာကို လေးနှင့်ခွင်းလတံ့

ရှောတိုးကို မိုးကြိုးပစ်လတံ့

ကုန်းဘောင် တဘောင်

• အင်းကို ဟင်္သာဆင်းမယ်
  

ဆင်းမဲ့ဟင်္သာ မုဆိုးလေးနဲ့ပစ်မယ်
ပစ်မဲ့မုဆိုး ထီးရိုးရိုက်မယ်
ထီးရိုးကို မိုးကြိုးပစ်မယ်။
 သီပေါ တဘောင်

• တုံးအောက်က တီတွန်
  

လူလွန်မသား
မုန့်ဆီကြော် အလယ်အက်တယ်
ထီးဖျက်မဲ့သား။

တုန်းအောက်က သီတွန် = “သီပေါမင်းဟာ မင်းတုန်းမင်း၏ သားတော်တစ်ပါးဖြစ်သည်။ “တုန်း” က “မင်းတုန်း” ၊ “သီ” က “သီပေါ”
လူလွန်မသား = သီပေါမင်း၏ မယ်တော်သည် လူ့ဘောင်လောကကို လွန်မြောက်ပြီး သီလရှင်ဝတ်သွား၍ “လူလွန်မ,သား”ဟု တင်စားပြောခြင်း ဖြစ်သည်။
“မုန့်ဆီကြော်အလယ်အက်” = တိုင်းပြည်ပျက်ရခြင်းမှာ နန်းတော်တွင်းမှ စတင်ဖြစ်ရမည်ဟု ဆိုလိုသည်။
“ ပြည်ဖျက်မယ့်သား” = အုပ်ချုပ်ရေး ညံ့ဖျင်း၍ တိုင်းပြည်ပျက်ပြီး အင်္ဂလိပ်လက်အောက်ကို ရောက်သွားခြင်း ဖြစ်သည်။

• သီပေါမင်း ထီးနန်းဆက်ခံရမည်ကို အရူးမ မိချမ်း က-
  

ရွှေမိုးရွာလို့ မယ်မအေး၊ ငွေမိုးရွာလို့ မယ်မအေး၊
ပထမပြန်ရှင်လိင်ထွက်ကယ်၊ နန်းတက်မှအေး၊ ဟု သီဆိုခဲ့သည်။
 အင်္ဂလိပ်ပြေးခါနီး တဘောင်

• ရေနံချောင်းမြို့ရှိ အရူးမတစ်ယောက်သည် သဲပုံစေတီ တစ်ဆူ တည်သည်။ `အရူးမ ဘုရားတည်၊ တန်ခူးလ ကုလားကွယ်´ ဆိုသော တဘောင်တစ်ခု ဖြစ်ပေါ်လာသည်။ တကယ်လည်း ဧပြီလလောက်တွင် ဂျပန်များဝင်လာပြီး ကုလားဟု ခေါ်သော အင်္ဂလိပ်များ အိန္ဒိယသို့ ဆုတ်ခွာပြေးရပါသည်။

ဂျပန်ခေတ် တဘောင်
ဂျပန်ခေတ်တွင် လကို သောကြာကြယ်ဖောက်သွားသော အဖြစ်အပျက်တစ်ခုဖြစ်လာပြီး `လ ကို ကြယ်ဖောက် ဂျပန်ရောက်၊ ရောက်သည့် ဂျပန် (၃)နှစ်ခံ´ ဆိုသော တဘောင်ပေါ်လာပါသည်။ ဂျပန်များသည် မြန်မာပြည်ကို ၁၉၄၂ ခုနှစ်တွင် ဝင်လာပြီး ၁၉၄၅ ခုနှစ်မှာ စစ်ရှုံး၍ ဂျပန်အုပ်ချုပ်ရေး ပြီးသွားသည်။
[ပြင်ဆင်ရန်] နှောင်း တဘောင်
ဘိုးတော်ဘုရားလက်ထက် အယူတော်မင်္ဂလာဦးနိုးရေးသားခဲ့သည့် နှောင်း တဘောင်

• တမင်းစံခ၀ါချ၊ နာကြတဲ့သူတွေ၊
  

တိုးလို့သာကြေ၊ အသိတွေရာသီပြောင်း၊
သာသနာမောင်းရှေ့ကဆော်၊
ဒေါင်းအော်လို့လိမ်ပြေး၊
နေထွက်လျှင် အမှောင်ကျမယ်၊
သန်းခေါင်ည လကွယ်တဲ့ဆို၊
ခြင်္သေ့မင်းတန်းခိုးကြွယ်၊
တိုးလို့ကွယ် ပူရလေနိုး၊
ဂူအောင်းမဲ့ ရှင်ကြီးပျော်လို့ရယ်၊
သမီးတော်ကို လွှတ်လိုက်ပါတော့
ဇာနည်ကြက်မသူတွန်လျှင်
ဇမ္ဗူတခွင် လင်းလို့မဆုံး။

 အတိတ်တဘောင်

၁၂၅၆ ခုနှစ်၊ ယောအတွင်းဝန် ဦးဘိုးလှိုင်ရေးသားခဲ့သော အတိတ်တဘောင်

• သာသနာဘ၀ဂ်ခရီးမှာတော့ဖြင့်၊ ကနက်ထီးတွေနဲ့
  

ဖျက်ဆီးဖို့ခရီးကြုံ၊ ရွှေပေးမယ်၊ မယ်မယုံ။ ငွေပေးမယ်၊ မယ်မယုံ၊
နယ်အကုန်ဖျက်မဲ့အရေး၊ အသိဥာဏ်နဲ့တွေး။ ။
အတိတ်ရယ်ဆောင်၊ နိမိတ်အရောင်လှုပ်ရှား။
တံတားတွေတွင်တွင်ဆောက်ပါလို့၊ ဘုရားရင်မောက်လိမ့်၊
ဘုရားတွေရင်မောက်ရင်ဖြင့်၊ အခြားပြည်ဝင်နှောက်ပါလိမ့်။
.. အခြားပြည်ဝင်နှောက်ရင်ဖြင့်၊ ပြည်တော်ပြန်
.. မယ်ထွေးကို နန်းအပ်မှအေး။ ။
တန်ကူကုန်၊ ကဆုန်ဆန်းရင်ဖြင့်၊ ပျိုနုကြမ်းရယ်က
ဟန်တော့မယ်၊ အသွင်နယ်(နှိက်)ဆော်သြ။
ထုံးအိုးတွေရေမှာမျော၊ ဒင်းတောက်လျှောက်လျော။ ။

•  ကိုးကား

1. ↑ ဦးအေးချို(မဟာဝိဇ္ဇာ)၏ မြန်မာ့စကား

ဝေမင်းရှာဖွေတင်ဆက်သည်